बलात्कार मुद्दामा क्रिकेटर सन्दीप लामिछानेलाई सफाइ

बलात्कारकाेआरोप लागेका नेपाली  क्रिकेटर सन्दीप लामिछानेले सफाइ पाउनु भएको छ । जिल्ला अदालत काठमाडौंले सन्दीपलाई दोषी ठहर गर्दै ८ वर्षको कैद सजाय सुनाएको भएपनि त्यसविरुद्ध उच्च अदालतमा परेको पुनरावेदनमाथि हिजो सुनुवाइ नसकिएपछि आज पनि निरन्तरता दिइएको हो ।उच्च अदालत पाटनका न्यायाधीशहरु सुदर्शनदेव भट्ट र अन्जु उप्रेती ढकालको इजलासले जिल्ला अदालत काठमाडौंको फैसलालाई उल्ट्याइदिएको छ । २०७९ को भदौमा एक किशोरीलाई गौशालाको होटलमा राखेर बलात्कार गरेको अभियोग लामिछानेलाई थियो । तर, अदालतले बलात्कार गरेको पर्याप्त प्रमाण नभएको भन्दै सफाइ दिएको हो ।