वृहत महोत्सवमा कविता विधा तर्फ १६ कविता छनौट, यि हुन छनौट भएका कविता …..

जेठ २, सोलुखुम्बु ।  प्रथम वृहत खोटाङ खेलकुद, साहित्यिक, साङ्गीतिक तथा पर्यटन महोत्सवको राष्ट्र व्यापी कविता प्रतियोगिताका लागी १६ वटा कविता छनौट भएका छन ।  दर्ता हुन आएका ५५ कविताहरुबाट सर्टलिस्ट गरि १६ वटा कवितालाई वाचन कालागी छनौट गरिएको खेलकुद विकास समिति खोटाङका अध्यक्ष सञ्जय राईले बताउनुभयो । कविता प्रतियोगितामा प्रथम द्वितीय, तृतीया, चौथो र पाँचौ स्थान हासिल गर्ने कविहरूले पुरस्कार राशि क्रमशः ४० हजार, २५ हजार, १७ हजार, ११ हजार, र ७ हजारको साथमा पदक र प्रमाणपत्र प्राप्त गर्ने आयोजक खेलकुद प्रतिष्ठानले जनाएको छ ।  

       प्रतियोगितामा अग्रज कवि जसराज किराँतीलाई सम्मान गरिने समेत आयोजकले जनाएको छ । उहाँलाई ११ हजार १ सय ११ रुपैयाँ सहित सम्मान गरिने भएको अध्यक्ष राईले जानकारी दिनुभयो । खुल्ला राष्ट्रव्यापी कविता प्रतियोगिताका लागी छनौट भएका कविताहरूमा अनिल अदृश्यको इन्द्रेणीको अनुहार, किरण सुवाको बिर्खे दमाइको आवाज, चेतन न्यौपानेको युवाको खाँचो, जीवन चाम्लिङ राईको भरिया दाइ, ज्ञानदीप चाम्लिङ राईको मातृभूमि आमाको आँशु छन । यस्तै नानुमैया दाहालको मलाई रगत मन पर्छ, प्रकाश आचार्य भावुकको यो देश लम्काउन,  प्यासीको यो देश, बाबुराम श्रेष्ठ यात्रीको छम्कली रोकाया, मौसम आचार्यको संस्कृतिको समाधि, रणबहादुर रानाको असन्तोषको पर्खाल वाचन हुने छन ।  

        यस्तै रमिला राईको तिमी गएपछि, सकिला राईको म यात्री मनको, संग्राम किराँतीको बाध्यता की रहर, सोनाम सज्जन किराँतीको विनिमय र हेम बास्तोला भावुकको नेपाली पन शीर्षकमा कविता वचनका लागी छनौट भएका छन ।  नेपाल खेलकुद प्रतिष्ठानको आयोजना, टेम्के तुवाचुङ प्रतिष्ठान समाज र रावासावा प्राज्ञिक समाजको सह आयोजनामा हुन लागेको कविता प्रतियोगिता  विहीवार हलेसी तुवाचुङ नगरपालिका ७ महादेवस्थान स्थित जाम्वाला रिसोर्टमा हुने छ ।

प्रतियोगिताको प्रमुख आतिथ्यता  नेपाल प्रज्ञा प्रतिष्ठानका कुलपति भुपाल राईको रहने छ भने विशेष आतिथ्यता प्रतिष्ठानका सदस्य सचिव धनप्रसाद सुवेदीको रहने जनाइएको छ । 

         यो समाचार पढेर तपाँइलाई कस्तो लाग्यो ?