विपी संस्कृत माविले मनायो १ सय २३ औँ वार्षिक उत्सव

माघ २१, सोलुखुम्बु ।  सोलुखुम्बुको नेचासल्यान गाउँपालिका स्थित विपी संस्कृत माविले आफ्नो १ सय २३ औँ बार्षिक उत्सव मनाएको छ ।  सोमबार बसन्त पञ्चमीको दिन आयोजित एक कार्यक्रमका बीच गाउँपालिका अध्यक्ष धनजन राईको प्रमुख आतिथ्यतामा विद्यालयको वार्षिक उत्सव मनाइएको हो । विव्यस अध्यक्ष सुरज केसीको सभापतित्वमा सम्पन्न कार्यक्रममा बोल्ने वक्ताहरूले विद्यालयहरूमा विद्यार्थी कम हुँदै गएको प्रति चिन्ता व्यक्त गरेका थिए  । कार्यक्रममा बोल्दै गाउँपालिका अध्यक्ष धनजन राईले पढेको कुरालाई जीवनमा उतार्न विद्यार्थीलाई सुझाव दिनुभएको छ । उहाँले  गाउँपालिकाले विद्यार्थीहरूको प्रोत्साहनका लागी योजनानै बनाएर पुरस्कृत गर्दै आएको बताउँदै विद्यार्थीले शिक्षा आर्जन गर्ने विषयलाई प्राथमिकतामा राख्न सक्नुपर्ने बताउनुभयो । उहाँले विद्यालयलाई गर्ने सहयोग गरिरहेको भन्दै गाउँपालिकाबाट अनुदानमा शिक्षक उपलब्ध गराइएको समेत बताउनुभयो ।

 कार्यक्रममा बोल्दै नेपाल सरकारका पूर्व सहसचिव ऋषिकेश निरौलाले आफू विपी संस्कृत माविमा बसन्त पञ्चमीकै दिन भर्ना भएर अध्ययन सुरु गरेको सम्झदै उहाँले संस्कृत भाषाको छुट्टै महत्व रहेको उल्लेख गर्नुभयो ।   यस्तै वार्षिक उत्सवको अवसरमा विद्यालयले एक वर्षमा प्राप्त गरेका उपलब्धीहरू लगायतको प्रतिवेदन विद्यालयका प्रधानाध्यापक उमाकान्त काफ्लेले प्रस्तुत गर्नुभएको थियो ।  उहाँले प्रतिवेदन प्रस्तुत गर्दै विद्यालयले हाल सम्म आउँदा विभिन्न आरोह अवरोहहरु खेपेको स्मरण गर्नुभयो । उहाँले विद्यालयलाई बालमैत्री र प्रविधिमैत्री बनाउन नसकिएको उल्लेख गर्नुभएको थियो । यस्तै कार्यक्रममा बोल्दै वडा नम्बर २ का अध्यक्ष सिताराम काफ्लेले विपी संस्कृत माविको मात्रै नभएर सम्पूर्ण विद्यालयको शैक्षिक गुणस्तर खस्किरहेको भन्दै अवस्था दयनीय भएको उल्लेख गर्नुभयो ।  

यस्तै विपी संस्कृत माविका शिक्षक अभिभावक संघ अध्यक्ष मिलन केसीले विपी संस्कृत माविलाई आवश्यक संरचनाको विकास गर्न माग गर्नुभएको छ । उहाँले गाउँपालिका अध्यक्ष धनजन राई लगायत सारेकारवालाहरुलाई ध्यानाकर्षण गराउँदै संस्कृत धारलाई व्यवस्थीत गर्नुपर्ने आवश्यकता औँल्याउनुभयो ।

उहाँले गाउँपालिकामै बसाइँसराई धेरै रहेकाले पनि विद्यार्थी नभएको बताउनुभएको थियो ।  जिल्ला शिक्षा समिति सदस्य भेषकुमार बास्तोलाले  विद्यालयको शैक्षिक गुणस्त उकास्न अभिभावक आफैँ जागरुक हुनु पर्ने बताउनुभएको छ । उहाँले विपी संस्कृत माविमा शिक्षक तथा विद्यालय व्यवस्थापन समिति सक्रिय रुपमा लागी रहेको उल्लेख गर्नुभयो ।  यस्तै वार्षिक उत्सवको अवसरमा विद्यालयले एक वर्षमा प्राप्त गरेका उपलब्धीहरू लगायतको प्रतिवेदन विद्यालयका प्रधानाध्यापक उमाकान्त काफ्लेले प्रस्तुत गर्नुभएको थियो । 

 उहाँले प्रतिवेदन प्रस्तुत गर्दै विद्यालयले हाल सम्म आउँदा विभिन्न आरोह अवरोहहरु खेपेको स्मरण गर्नुभयो । उहाँले विद्यालयलाई बालमैत्री र प्रविधिमैत्री बनाउन नसकिएको उल्लेख गर्नुभएको थियो । यस्तै कार्यक्रममा बोल्दै वडा नम्बर २ का अध्यक्ष सिताराम काफ्लेले विपी संस्कृत माविको मात्रै नभएर सम्पूर्ण विद्यालयको शैक्षिक गुणस्तर खस्किरहेको भन्दै अवस्था दयनीय भएको उल्लेख गर्नुभयो ।  उहाँले गाउँपालिकामै बसाइँसराई धेरै रहेकाले पनि विद्यार्थी नभएको बताउनुभएको थियो ।