जिल्लामै पहिलोपटक थुलुङ दुधकोशी प्रज्ञा प्रतिष्ठान गठन हुने

माघ २२, सोलुखुम्बु । सोलुखुम्बुको थुलुङ दुधकोशी गाउँपालिकाले थुलुङ दुधकोशी प्रज्ञा प्रतिष्ठान कार्यविधी २०८१ स्वीकृत गरेको छ । गाउँपालिका अध्यक्ष असिम राईको अध्यक्षतामा मंगलबार सम्पन्न कार्यापालिका बैठकले उक्त कार्यविधी स्वीकृत गरेको गाउँपालिका प्रवक्ता भोजराज कार्कीले जानकारी दिनुभयो ।

यो संगै स्थानीय तहमा प्रज्ञा प्रतिष्ठान गठन गर्ने पहिलो स्थानीय तह थुलुङ दुधकोशी बन्ने भएको छ । थुलुङ दुधकोशी गाउँपालिका भित्रको भाषा, साहित्य, संस्कृति तथा दर्शनको संरक्षण, सम्वद्र्धन र विकास गर्न प्रज्ञा प्रतिष्ठान स्थापना गर्न लागिएको गाउँपालिका अध्यक्ष असिम राईले बताउँनुभयो । नेपाल मै प्रज्ञा प्रतिष्ठान गठन गरि काम गर्ने स्थानीय तह एकदमै कम रहेको तथ्याङ्क छ ।

भौतिक पुर्वधारको विकास संगै सामाजिक विकासलाइ उत्तीकै प्रथमिकतामा राखेको थुलुङ दुधकोशीको यो अर्को महत्वपुर्ण कार्यक्रम हुने पालिकाको विश्वास रहेको छ । यसैबीच गाउँपालिकाको हिउँदे सभा भोली अर्थात माघ २३ गते बुधबार बस्ने भएको छ