केदार माविको ६६ औँ वार्षिक उत्सव सम्पन्न , उपाध्यक्ष राईद्वारा उद्घाटन

माघ २८, साेलुखुम्बु ।   सोलुखुम्बुको नेचासल्यान गाउँपालिका वडा नम्बर ४ स्थित केदार माध्यमिक विद्यालयको ६६ औँ वार्षिक उत्सव तथा २८ औँ अभिभावक दिवस सम्पन्न भएको छ ।  गाउँपालिका उपाध्यक्ष विना राईको प्रमुख आतिथ्यता तथा पूर्व माननीय भूपाल किराँतीको विषेश आतिथ्यतामा विद्यालयको वार्षिक उत्सव तथा अभिभावक दिवस मनाएको हो । कार्यक्रममा बोल्दै गाउँपालिका उपाध्यक्ष राईले शिक्षालाई प्रविधिमैत्री र आधुनिक बनाउँदै जानुपर्नेमा जोड दिनुभएको छ । उहाँले वर्तमान अवस्थामा सामुदायिक बिद्दालय मर्ज नगरी बिद्यार्थी संख्या नजुट्ने भन्दै त्यसतर्फ ध्यान दिन पर्ने अावश्यता अाैँल्याउनुभयाे ।   वार्षिक उत्सव समारोहको अवसरमा विद्यालयले ३६ महिना ३८ लाख अक्षयकोष कार्यक्रममा रकम जम्मा गराउने अक्षयकोष दाताहरूलाई सम्मानित गरिएको छ ।  ३ सय बढी अक्षयकोष दाताहरूलाई प्रमुख अतिथि राईले सम्मानपत्र सहित सम्मानित गर्नुभएको सहकर्मी धनकुमार ढुङ्गेलले बताउनुभयो ।