शिविरमार्फत पाए थुलुङ दुधकोशीका ४८ जनाले अपाङ्गता कार्ड

जेठ ९, सोलुखुम्बु ।  सोलुखुम्बुको थुलुङ दुधकोशी गाउँपालिकामा  ४८ जना अपाङ्गता भएकाहरूलाई नयाँ परिचयपत्र वितरण गरिएको छ । गत बुधबार वडा नम्बर ९ लोखीमबाट सुरु भएको अपाङ्गता परिचय पहिचान तथा परिचय पत्र वितरण शिविर मार्फत गाउँपालिकामा ४८ जनाले नयाँ अपाङ्गता परिचयपत्र प्राप्त गरेका हुन ।  

९ वटा वडा रहेको गाउँपालिकामा सञ्चालित शिविरमा गाउँपालिका भरिका २ सय ३४ पुरुष र १ सय ६० महिला गरि ३ सय ९४ जनाको स्वास्थ्य परिक्षण गरिएको छ । थुलुङ दुधकोशी गाउँपालिका, कोशी प्रदेश सामाजिक विकास मन्त्रालय र करुणा फाउण्डेसनको साझेदारीमा सञ्चालित अपाङ्गता रोकथाम तथा पुर्नस्थापना कार्यक्रम अन्तर्गत गाउँपालिका भरिका ५ जना लाई क बर्गको अपाङ्गता परिचयपत्र वितरण गरिएको छ । यस्तै २१ जनालाई ख बर्गको, १९ जनालाई ग बर्गको र ३ जनालई घ बर्ग को परिचयपत्र वितरण गरिएको गाउँपालिकाका प्रवक्ता भोजराज कार्कीले जानकारी दिनुभयो ।

शिविर अभियान समापन गर्दै पालिका अध्यक्ष असिम राईले अभियानमा जोडिनुहुने सबै जनप्रतिनिधिहरू, कर्मचारीहरू तथा स्वास्थ्यकर्मीहरूलाई विशेष धन्यवाद दिनुभएको छ । उहाँले थुलुङ दुधकोसी गाउँपालिकाबाट जनतालाई घर आँगनमै सेवाप्रवाह गर्ने नीति अन्तर्गत अभियान सञ्चालन भएको पालिका अध्यक्ष असिम राईको भनाइ छ