नेचासल्यानमा अपाङ्गता रोकथाम तथा पुन : स्थापना शिविर सम्पन्न, २ सय बढीको स्वास्थ्य परीक्षण

जेठ १०, सोलुखुम्बु । सोलुखुम्बुको नेचासल्यान गाउँपालिकामा १ सय बढी अपाङ्गता भएका नागरिकलाई नयाँ परिचयपत्र वितरण गरिएको छ । जेठ ५ गते वडा नम्बर १ बाट सुरु भएको अपाङ्गता परिचय पहिचान तथा परिचय पत्र वितरण शिविर मार्फत गाउँपालिकामा १ सय ५२ जनालाई नयाँ अपाङ्गता परिचयपत्र वितरण गरिएको हो ।

५ वटा वडा रहेको गाउँपालिकामा सञ्चालित शिविरमा गाउँपालिका भित्रका १ सय ७७ जना पुरुष तथा ८८ जना महिला गरी जम्मा २०५ जना अपाङ्गता भएका व्यक्तिको स्वास्थ्य परिक्षण गरेका छ । जसमध्ये २२ जनालाई ‘क’ वर्गको परिचयपत्र १ सय ३ जनालाई ‘ख’ परिचयपत्र १७ जनालाई ‘ग’ परिचयपत्र र १० जनालाई ‘घ’ वर्गको परिचयपत्र वितरण गरिएको नेचासल्यान गाउँपालिकाका निमित्त प्रमुख प्रशासकीय अधिकृत युवराज पोखरेलले जानकारी दिनुभयो ।

उक्त शिविर जेठ ५ गतेबाट सुरु भई ८ गते मंगलबार सम्पन्न भएको गाउँपालिकाले जनाएको छ ।