सोलुखुम्बु बहुमुखी क्याम्पसका विद्यार्थीलाई वित्तिय साक्षरता शिक्षा 

चैत्र ७, सोलुखुम्बु । कृषि विकास बैङ्कले सोलुखुम्बु बहुमुखी क्याम्पसमा वित्तिय साक्षरता कक्षा सञ्चालन गरेको छ ।  बैंकहरुले हरेक वर्ष आयोजना गर्ने ग्लोबल मनी सप्ताह २०२५ अन्तर्गत सोलुखुम्बुमा कृषि विकास बैङ्कले वित्तिय साक्षरता कक्षा सञ्चालन गरेको हो ।  शाखा कार्यालय सल्लेरीले कक्षा ११ र १२ का विद्यार्थीहरूलाई बचतको महत्व सिकाउने उद्देश्यले उनिहरुलाई वित्तिय साक्षरता कक्षा सञ्चालन गरेको कृषि विकास बैङ्क सल्लेरीका शाखा प्रबन्धक सुरज श्रेष्ठले बताउनुभयो ।  उहाँले विद्यार्थीहरूलाई वित्तिय साक्षरता शिक्षा कार्यक्रममा बचतको महत्व, बचत गर्ने तरिका र बचतले राख्ने दीर्घकालीन महत्वका विषयमा जानकारी गराइएको बताउनुभयो । विद्यार्थी जीवनबाट नै विद्यार्थीहरूलाई वित्तिय ज्ञान दिन सकिए भविष्यमा उनिहरुले यसलाई पालना गर्न सहज हुने भएकाले पनि वित्तिय साक्षरता विद्यार्थी जीवनमा महत्वपूर्ण रहेको उहाँको भनाई थियो ।