६२ वर्षको उमेरमा एसइइ दिँदै अमृत कुमारी राजभण्डारी 

चैत्र ७, सोलुखुम्बु । पढाईलाई उमेरले छेक्दैन भन्ने भनाईलाई सोलुखुम्बुकी अमृत कुमारी राजभण्डारीले प्रमाणित गरिदिएकी छिन । उमेर तिन बिस काटेकी अमृत कुमारीले ६२ वर्षको उमेरमा आएर एसइइ दिँदै छिन । कम्तीमा एसएलसी सम्म भएपनि पढाई पुरा गर्ने उनको धेको यसपटक पुरा गर्ने लक्षमा छिन अमृत कुमारी । उत्तीर्ण भएपनि नभएपनि कम्तीमा परीक्षा भने दिने उनको निधो यो पटक पुरा भएको छ ।  अमृत कुमारीले सोलुखुखुम्बुको सदरमुकाम सल्लेरी स्थित जनजाग्रीति आधारभूत विद्यालय परीक्षा केन्द्र खुल्ला तर्फबाट परीक्षा दिइरहेकी छिन । पहिलो दिन अङ्ग्रेजी विषयको परीक्षा उनले राम्रो गरेको प्रतिकृया दिएकी छिन् ।