सोलुखुम्बुमा एसइई परीक्षा सुरु,पहिलाे दिन सीडीओ घिमिरेबाट अनुगमन 

चैत्र ७, सोलुखुम्बु ।  देशभर  आजबाट एसइई परीक्षा सुरु भएको छ । हिमाली जिल्ला सोलुखुम्बुका १४ वटा परीक्षा केन्द्रबाट पनि परीक्षा सुरु भइसकेको छ ।  पहिलो दिन आज परीक्षा केन्द्रहरूको अनुगमन प्रमुख जिल्ला अधिकारी अनोज कुमार घिमिरेले गर्नुभएको छ ।  

उहाँले जिल्ला सदरमुकाम आसपासका परिक्षा केन्द्र अनुगमन गरि परीक्षालाई मर्यादित र शान्तीपूर्ण ढङ्गबाट व्यवस्थित रुपमा सञ्चालन गर्न केन्द्राध्यक्षलाई निर्देशन समेत दिनुभएको छ ।  उहाँले सदरमुकामका केन्द्रहरु जनजागृति मावि र जनजागृति आविको अनुगमन गरि यस्तो निर्देशन दिनुभएको हो ।

परीक्षा अनुगमनका लागी जिल्ला शिक्षा तथा समन्वय इकाई सोलुखुम्बुका प्रमुख पुण्यराज डङ्गोल, जिल्ला प्रहरी कार्यालय सोलुखुम्बुका डीएसपी द्वारीका प्रसाद घिमिरे, शसस्त्र प्रहरी वल सोलुखुम्बुका डीएसपी गोविन्द पोखरेल लगायत पुग्नुभएको थियो ।  परीक्षालाई मर्यादित र शान्तीपूर्ण बनाउन आग्रह गर्दै केन्द्राध्यक्षलाई विद्यार्थीहरूको परीक्षा एसइई भएपनि शिक्षक र केन्द्राध्यक्षको पनि आफूले परीक्षा लिइरहेको सीडीओ घिमिरेले स्मरण गराउनुभयो । उहाँले जिल्लाका सबै पालिकाहरूमा साैहार्दपूर्ण रूपमा परीक्षा सम्पन्न भउकाे जानकारी दिनुभएकाे छ ।