कार्तिक २०, सोलुखुम्बु । सोलुखुम्बु र ओखलढुङ्गा जिल्लामा मानव अधिकारका समसामयिक विषयमा सरकारी, गैरसरकारी तथा सम्बन्धित सरोकारवाला संस्थाले गरेका असल अभ्यास तथा कार्यको अनुगमन सम्पन्न भएको छ । प्रधानमन्त्री तथा मन्त्रिपरिषद्को कार्यालयले दुवै जिल्लामा मानव अधिकारको अवस्था, संरक्षण तथा प्रवद्र्धनका लागि सम्बन्धित निकायले गरेका गतिविधि र अभ्यासको अनुगमन गरेको हो ।
प्रधानमन्त्री कार्यालयले आज आयोजना गरेको पत्रकार सम्मेलनमा प्रवक्ता हेमराज अर्यालले उक्त जानकारी दिनुभएको हो । अनुगमनका क्रममा मानव अधिकारका समसामयिक सवाल तथा यसको संरक्षण र प्रवद्र्धनका क्षेत्रमा सम्बन्धित निकायबाट भएका कार्यहरूको अवलोकन गरिएको उहाँले बताउनुभयो ।
Discussion about this post