एभरेष्ट भ्यु ट्रेल म्याराथनको उपाधि मन कुमार रोक्का र निर्मला राईलाई

बैशाख १२, सोलुखुम्बु । सोलुखुम्बुको माप्य दुधकोशी गाउँपालिकाको आयोजनामा भएको एभरेष्ट भ्यु ट्रेल म्याराथन प्रतियोगिताको उपाधि खुल्लातर्फ मन कुमार रोक्का र निर्मला राईले जितेका छन् । शुक्रबार गाउँपालिकाको कोर्कु रङ्गशालामा आयोजित ४७ किलोमिटरको म्याराथन प्रतियोगितामा खुल्ला पुरुष तर्फ मन कुमार रोक्का र खुल्ला महिला तर्फ निर्मला राईले जितेका हुन् ।

यस्तै खुल्ला पुरुष तर्फ दोस्रो गोपाल तामाङ र तेस्रो गोविन्द कार्कीले हात पार्न सफल हुनुभएको माप्य दुधकोशी गाउँपालिकाका उपाध्यक्ष गौरव राईले जानकारी दिनुभयो । उहाँका अनुसार १९ देखि २९ बर्ष उमेरका पुरुष तर्फ प्रथम राजेन्द्र तामाङ, द्धितिय एलिस राई र तृतिय विनोद कुलुङ हुनु भएको छ, भने ३० देखि ४९ बर्ष उमेरका पुरुष तर्फ प्रथम विनोद कुलुङ, द्धितिय जगंविर कुलुङ र तृतिय विशाल राई हुनुभएको छ । यस्तै खुल्ला महिला तर्फ दोस्रो ल्हाक्पा याङजी शेर्पा र तेस्रो पुर्णिमा राईले हासिल गर्नुभएको छ । अन्य उमेर समुहका प्रगियोगीहरुको विवरण आउन बाकीँ रहेको छ ।

उक्त प्रतियोगितामा महिला, पुरुष दुवै तर्फ १८ बर्ष देखि २९ बर्ष सम्म, ३० बर्ष देखि ४९ बर्ष सम्म र ५० देखि ६५ बर्ष सम्मका प्रतियोगिहरुलाई सम्मान पुरस्कार क्रमश ः २० हजार, १५ हजार र १० हजारको साथमा मेडल र प्रमाण पत्र प्रदान गरिएको भएको छ । यस्तै १८ बषै देखि ६५ बर्ष सम्म खुल्ला तर्फ प्रथम, द्धितिय र तृतिय हुने प्रतियोगिहरुलाई क्रमश : १ लाख, ७५ हजार र ५० हजार रुपैयाँको साथमा मेडल र प्रमाण पत्र प्रदान गरिएको छ ।

माप्य दूधकोशी गाउँपालिका अध्यक्ष बुद्धिकिरण राईले एभरेष्ट भ्यु ट्रेल म्याराथन प्रतियोगिताले गाउँपालिकाको खेलकुद क्षेत्रमा महत्वपुर्ण योगदान गरेको बताउनुभयो । यस्तै गाउँपालिका उपाध्यक्ष गौरव राईले यस प्रतियोगिताले गाउँपालिकाको पर्यटन प्रवद्र्धनमा राम्रो साथ दिएको र प्रतियोगिताको माध्यमबाट गाउँपालिकाको पर्यटकीय गन्तव्यलाई प्रवद्र्धन गरेको उल्लेख गर्नुभयो ।