फागुन २०, सोलुखुम्बु । प्रतिनिधि सभा सदस्य निर्वाचनलाई लक्षित गर्दै नेपाल रेड्क्रस सोसाइटी सोलुखुम्बु जिल्ला शाखाले जिल्लाभरिका विभिन्न मतदान केन्द्रमा आकस्मिक सेवा तथा प्राथमिक उपचार सेवा उपलब्ध गराउन ५० जना स्वयंसेवक परिचालन गरिने भएको छ । निर्वाचनका क्रममा मतदान केन्द्रमा आउन सक्ने स्वास्थ्यसम्बन्धी आकस्मिक अवस्थालाई मध्यनजर गर्दै स्वयंसेवकहरू परिचालन गरिएको शाखाले जनाएको छ ।
स्वयंसेवकहरूले प्राथमिक उपचार, आकस्मिक स्वास्थ्य सहायता तथा आवश्यक परामर्श सेवा प्रदान गर्नेछन् । सेवा प्रदान गरिने केन्द्रहरूमा नेचा बेतघारी उपशाखा, नेचाबतासे उपशाखा, नेचासल्यान गाउँपालिकाको भवन, केदार मावि, कालिका आवि, सगरमाथा आवि, कागेल उपशाखा, टाक्सिन्दु उपशाखा, सल्लेरी उपशाखा तथा सोताङ उपशाखा रहेका छन् ।
जिल्ला शाखाका अनुसार निर्वाचनलाई शान्तिपूर्ण, सुरक्षित र व्यवस्थित बनाउन सहयोग पु¥याउने उद्देश्यले स्वयंसेवक परिचालन गरिएको हो । मतदान अवधिभर स्वास्थ्यसम्बन्धी कुनै पनि आपत्कालीन अवस्था आएमा तत्काल सेवा उपलब्ध गराइने जनाइएको छ ।
Discussion about this post