ब्रेकिङ न्यूज : सोलुखुम्बुको पहलमान भिरबाट बोलेरो खस्यो

असार ८, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ११ तिङ्ला स्थित पहलमान भिरबाट बोलेरो जिप खसेको छ । शनिबार साझँ भिरबाट बोलेरो खस्दा बोलेरोमा सवार २ जना घाईते भएका छन् । उक्त बोलेरो चितवन भरतपुर महानगरपालिका वडा नम्बर २ का ३९ वर्षीय श्याम तामाङले चलाएका थिए भने बारा कलैया उप महानगर पालिका २४ का २२ वर्षिय हिरालाल चौधरी सवार रहेको जिल्ला प्रहरी कार्यालय सोलुखुम्बुका प्रहरी निरीक्षक अनिल कुमार मिश्रले जानकारी दिनुभयो ।

उहाँका अनुसार बारा कलैया उप महानगर पालिका २४ का २२ वर्षिय हिरालाल चौधरीको दाहिने खुट्टामा भित्रि चोट र नुवाकोट दुप्चेश्वर गाउँपालिका वडा नम्बर २ का ३४ को संचराम तामाङको टाउको पछाडिको भाग, आखाँ माथि र निधारमा चोट लागेको दुवैजनालाई फाप्लु अस्पतालबाट उपचार गरी घर पठाइएको जिल्ला प्रहरी कार्यालय सोलुखुम्बले जनाएको छ । ओरालोमा ब्रेक फेल भएको उक्त बोलेरो सडकबाट करिब ५० मिटर तल खसेर क्षतिग्रस्त बनेको छ ।