सिन्धुलीमा सवारी दुर्घटना हुँदा एक जनाको मृत्यु, एक जना घाईते

साउन २५, सोलुखुम्बु । सिन्धुलीमा सवारी दुर्घटनामा परि एक जनाको मृत्यु भएको छ । मृत्यु हुनेमा सर्लाही चक्रघट्टा गाउँपालिका –५ का ३५ बर्षिय गणेश राय रहेको जिल्ला प्रहरी कार्यालय सिन्धुलीले जनाएको छ ।

बिहिबार साँझ रायले चलाएको सर्लाहीबाट काठमाडौँ जाँदै गरेको प्रदेश २–०३–००छ प –३७५५ नम्बरको मोटरसाइकललाई काठमाडौँबाट सिन्धुलीतर्फ आउँदै गरेको प्रदेश २–०२–००१ च ०४८७ नम्बरको पिकअप गाडिले ठक्कर दिएको थियो ।

पिकअप गाडिले ठक्कर दिदा गम्भीर घाइते भएका मोटरसाइकल चालक र सोहि मोटरसाइकलमा सवार धिरेन्द्र कुमार ठाकुरको धुलिखेल अस्पतालमा अपचारको क्रममा शुक्रबार मोटरसाइकल चालक रायको मृत्यु भएको जिल्ला प्रहरी कार्यालय सिन्धुलीका प्रहरी निरिक्षक केशव कुमार कटुवालले जानकारी दिनुभयो ।

अर्का घाइते ठाकुरको धुलिखेल अस्पतालमै उपचार भइरहेको छ । प्रहरीले मोटरसाइकललाई ठक्कर दिने पिकअप गाडि र चालकलाई नियन्त्रणमा लिएर अनुसन्धान गरिरहेको जनाएको छ ।