देउपुजे अग्निपीडितलाई काङ्ग्रेस नेता शेर्पाको आर्थिक सहयोग 

साेलुखुम्बु, बैशाख १७ । नेपाली कांग्रेसका केन्द्रिय सदस्य तथा पर्यटन विभाग प्रमुख आङ्गेलु शेर्पाले देउपुजे अग्नी पिडितलाई नगद सहयोग हस्तान्तरण गर्नुभएको छ ।  आज शेर्पा लगायत अन्य कांग्रेस नेताहरू सहित अग्निपीडितको आर्थिक सहयोगका लागी देउपुजे पुग्नुभएको थियो । नगद सहयोग हस्तान्तरणका लागी नेता शेर्पा सहित, महाधिवेशन प्रतिनिधि नवीन थापा, काँग्रेस पूर्व जिल्ला सचिव चन्द्र आचार्य, जिल्ला सदस्य भेषकुमार बाँस्तोला लगायत पुग्नु भएको थियो । बैशाख ११ गते नेचासल्यान गाउँपालिका वडा नम्बर २ को देउपुजेमा स्थानीय गाईखर्क सामुदायिक बनबाट सुरु भएको आगलागीका कारण ५ घर जलेर नष्ट हुँदा ५३ लाख बढीको क्षति भएको थियो ।