नेकपा एमालेले सोलुखुम्बुमा तोक्यो प्रदेश निर्वाचन क्षेत्र इन्चार्ज 

भदौ १२, सोलुखुम्बु  । नेकपा एमालेले सोलुखुम्बुमा प्रदेश निर्वाचन क्षेत्र इन्चार्ज तोकेको छ ।  पार्टीको केन्द्रिय सचिवालयको ३४ औँ बैठकले अपानी १० मार्फत कार्य विभाजनको निती जारी गरेपश्चात् महासचिव स्तरीय अनुमतिबाट सोलुखुम्बुका लागी प्रदेश निर्वाचन क्षेत्र इन्चार्ज तोकिएको एमालेले जनाएको छ ।  

एमालेले जिल्लाका ८ ओटा पालिकामा निर्वाचन क्षेत्र इन्चार्ज तथा एक वटा सभादलको कार्यविभाजन गरेको छ । एमालेले जिल्लाको एक मात्र नगरपालिका सोलुदुधकुण्डमा डाकबहादुर रणपाललाई इन्चार्ज तोकेको छ ।  यस्तै खुम्बु पासाङ ल्हामु गाउँपालिकाको इन्चार्जको जिम्मेवारी सोनाम ग्याल्जेन शेर्पालाई दिइएको छ । यस्तै थुलुङ दुधकोशी गाउँपालिकाको इन्चार्जको जिम्मेवारी उत्तम कुमार बस्नेतलाई,  लिखुपिके गाउँपालिकाको इन्चार्जको जिम्मेवारी चरित्र भुजेललाई, सोताङ गाउँपालिका इन्चार्जको जिम्मेवारी पार्वति राईलाई, महाकुलुङ गाउँपालिका प्रदेशसभा ख को इन्चार्जको जिम्मेवारी बुद्धि कुमार राजभण्डारीलाई, माप्य दुधकोशी गाउँपालिका इन्चार्जको जिम्मेवारी महेश किरातीलाई र  सुर्य कुमारी सुनुवारलाई नेचासल्यान गाउँपालिकाको निर्वाचन क्षेत्र इन्चार्ज तोकिएको जनाइएको छ ।

यस्तै एमालेले खुम्बु पासाङ ल्हामु गाउँपालिकाको पालिका सभादलको जिम्मेवारी टाशी ल्हामु शेर्पालाई दिएको छ  ।