शहिद नरनाथ आविमा तिजको अवसरमा स्टेस्नरीका सामाग्री वितरण

भदौ १९, सोेलुखुम्बु । शहिद नरनाथ आविमा स्टेसनरी सामाग्री वितरण तथा तिज विशेष कार्यक्रम सप्पन्न भएको छ । सोलुखुम्बुको नेचासल्यान गाउँ पालिका वडा नम्बर ३ मा रहेको विद्यालयमा सोमबार विद्यार्थीहरुलाई स्टस्नरीका सामाग्री वितरण साथै तिज विशेष कार्यक्रम सप्पन्न भएको हो ।

पहिलो चरणको कार्यक्रम अन्तर्गत विधालयमा (३३३) दर्जन कापी उपलब्ध भएको सामाग्री एक कार्यक्रमका बिच विद्यार्थीहरुलाई हस्तान्तरण गरिएको शहिद नरनाथ आविका प्रधानाध्यापक कमल प्रसाद कटेलले जानकारी दिनुभयो ।

विद्यलयले विगतका दिनहरु भन्दा शैक्षिक क्षेत्रमा फड्को माड्दै गएको भन्दै अभिभावकहरुले बताएका छन् । कार्यक्रममा गाउँपालिका अध्यक्ष धनजन राइको प्रमुख आतिथ्यता तथा उपाध्यक्ष बिना राईको विशेष आतिथ्यतामा सम्पन्न भएको सहकर्मी धनकुमार ढुगेंलले जानकारी दिनुभयो ।

उक्त कार्यक्रममा केदार माद्यामिक विद्यालयका व्यवस्थापन समितीका अध्यक्ष हेमराज कटेल, समाजसेवी जगनाथ बस्तोला, रिड नेपाका नेचासल्यान शिक्षा बिकास प्रमुख सुजाता राई लगायत शिक्षा प्रेमी अभिभावक, विद्यार्थीहरुको उपस्थिती रहेको थियो ।