नेचासल्यानका २ विद्यालयमा अखिल क्रान्तिकारीको इकाई समिति गठन 

भदौ २०, सोलुखुम्बु  । सोलुखुम्बुको नेचासल्यान गाउँपालिकाका २ वटा विद्यालयमा अनेरास्ववियु क्रान्तिकारीको इकाई समिति गठन गरिएको छ ।  भदौ २१ र २२ गते हुन लागेको त्रान्तीकारीको जिल्ला सम्मेलनलाई केन्द्रमा राख्दै गाउँपालिकाको वडा नम्बर ३ र ४ का २ वटा विद्यालयमा इकाई समिति गठन गरेको जनाइएको हो ।

क्रान्तिकारीले  वडा नम्बर ३ को हिमाल दर्शन र वडा नम्बर ४ को  केदार माविमा इकाई समिति गठन गरेको छ । सङ्गठन विस्तारका लागी अखिल क्रान्तिकारीका केन्द्रिय सदस्य मोहन बस्नेतको नेतृत्वमा पुगेको टोलीले हिमाल दर्शन माध्यमिक विद्यालयका छात्रा गीता राउतको अध्यक्षतामा ३१ सदस्यीय इकाई समिति गठन गरेको छ ।

 यस्तै केदार माध्यमिक विद्यालयमा विशाल फुँयालको अध्यक्षतामा ६१ सदस्यीय इकाई समिति गठन गरेको केन्द्रिय सदस्य बस्नेतको भनाई छ ।  इकाई समिति गठनका लागी अखिल क्रान्तिकारीका केन्द्रिय सदस्य बस्नेत सहित जिल्लाका नेताहरू  बेनी बहादुर खड्का र असन बाबू कटेल विद्यालय पुग्नु भएको थियो ।