चिशंखुगढीका अध्यक्ष र प्रशासकीय अधिकृत बीच कार्य सम्पादन सम्झौता 

भदौ २०, सोलुखुम्बु  । ओखलढुंगाको चिशंखुगढी गाउँपालिकाका अध्यक्ष र प्रमुख प्रशासकीय अधिकृतविच कार्य सम्पादन सम्झौता भएको छ  । आर्थिक वर्ष २०८१/८२ का लागी गाउँपालिका अध्यक्ष निशान्त शर्मा र गाउँपालिकाका प्रमुख अधिकृत सिताराम राईसँग कार्य सम्पादन सम्झौता भएको हो ।

कार्यसम्पादनलाई प्रभावकारी बनाई सेवा प्रवाहलाई सहज र छरितो बनाउन गाउँपालिका र प्रशासकीय अधिकृत बीच कार्य सम्पादन सम्झौता गरिएको हो ।  गाउँपालिकामा सञ्चालन हुने सेवा प्रवाहलाई सुलभ र प्रभावकारी बनाउनक का लागी विभिन्न सुचक र त्यसमा हुनु पर्ने कृयाकलाप उल्लेख गरि कार्य सम्पादन सम्झौता गरिएको जनाइएको छ ।

यसले स्थानीय सरकारबाट हुने सेवा प्रबाहलाई जिम्मेवार ढंगले गर्न सकिने गाउँपालिका अध्यक्ष निशान्त शर्माले बताउनुभयो । गाउँपालिकाबाट विनियोजित बजेटको खर्च,  बेरुजु घटाउने, शाखा उपशाखाबाट हुने काम लगायतलाई व्यवस्थित बनाई सेवा प्रवाहलाई चुस्त दुरुस्त बनाउन कार्य सम्पादन सम्झौता गरिएको अध्यक्ष शर्माको भनाई छ ।