अपराधी ठोट्ने खोला, लियो सन्तोषको ज्यान

बैशाख ३१, सोलुखुम्बु । ओखलढुंगाको चिशंखुगढी गाउँपालिकामाको एक खोलामा चिप्लिएर दहमा खसेका पुरूष मृत अवस्थामा भेटिएका छन् । दहमा खसेका चिशंखुगढी गाउँपालिका वडा नं. ५ चुप्लुका २९ बर्षका सन्तोष भनिने सोभित राई मृत अबस्थामा भेटिएको जिल्ला प्रहरी कार्यालय ओखलढुङ्गाले जनाएको छ ।

आइतबार अपरान्ह साँढे ५ बजेतिर साथिहरु सँग चिशंखुगढी गाउँपालिका वडा नं. ७ मा रहेको ठोट्ने खोलामा पाहा मार्ने क्रममा राई अचानक चिप्लिएर लडि दहमा खसेका थिए । दहमा खसेर वेपत्ता भएका राईको खोजी गर्ने क्रममा शोमबार विहान दहमा नै मृत भेटिएको जिल्ला प्रहरी कार्यालय ओखलढुङ्गाका सुचना अधिकारी प्रहरी निरीक्षक बलिष्टार सिंहले जानकारी दिए ।

मृत अवस्थामा भेटिएका राईको साथमा सोभित राई नामको नागरिकता फेला परेको पनि प्रहरीले जनाएको छ । शब फेला पारेपछि आवश्यक कानुनी प्रक्रियाका लागि जिल्ला प्रहरी कार्यालय ओखलढुङ्गाको टोली घटनास्थलमा पुगेको र घटनाको बारेमा अनुसन्धान भैरहेको पनि प्रहरीले जनाएको छ ।