तिङ्ला सारेमा सुख्ख पहिरो, पहिरो माथिको बस्ती सम्भावित जोखीममा

मंसिर १४, सोलुखुम्बु । हिमाली जिल्ला सोलुखुम्बुको तिङलामा सुख्खा पहिरो जाँदा पहिरो माथिको बस्ती संम्भावित जोखीममा परेको छ । बिहिबार सोलुदुधकुण्ड नगरपालिका ११ तिङ्ला स्थित सारे बस्ती मुनिको क्षेत्रमा सुख्खा पहिरो जाँदा माथिल्लो क्षेत्रको बस्ती जोखिममा परेको जनाइएको छ ।

सोलुखोलाको कटानका कारण पहिरो झरेको हुनसक्ने प्रारम्भीक आँकलन गरिएको भएपनि पहिरोको जोखिम के कती भन्ने विषयमा सम्बन्धीत निकायको प्रतिबेदन आएपछी मात्र यकिन हुने जनाइएको छ । पहिरो जाने वित्तिकै जिल्ला विपद व्यवस्थापन समिती सोलुखुम्बुका संयोजक एवं प्रमुख जिलला अधिकारी अनोज कुमार घिमिरेको टोलीले अनुगमन गरि थप अनुसन्धानका लागी सम्बनधीत माथिल्लो निकायमा पठाएका जानकारी दिनुभएको छ ।

प्रजिअ घिमिरेका अनुसार तत्काल बस्ती जोखीममा पर्ने सम्भावना नरहेपनि बर्षायामको समयमा यसको जोखि बढ्न सक्ने सम्भावना प्रति सचेत रहँदै भू तथा जलाधार संरक्षण कार्यालय ओखलढुंगामा रिपोर्र्टिङ गरिसकिएको र केही समयमा त्यसको प्रतिबेदन पश्चात थप प्रकृया अगाढी बढाइने छ । तिङलाका वडा अध्यक्ष टंक बहादुर कार्की जिल्लाकै दुःखको रुपमा रहेको साल्मे पहरो भन्दा ठुलो पहिरो भएकाले चिन्ता थपिएको बताउनुभयो ।