खुम्बु पासाङल्हामु गाउँपालिकाको दुई वडामा अग्नी नियन्त्रण सम्बन्धी तालिम

मंसिर १४, सोलुखुम्बु । सोलुखुम्बुको खुम्बु पासाङल्हामु गाउँपालिकाको दुई वटा वडामा अग्नि नियन्त्रण सम्बन्धी तालिम दिइएको छ । शुक्रबार गाउँपालिकाको आर्थिक सहयोग तथा एभरेस्ट फायर एन्ड रेस्क्युको समन्वय र स्कटीस फायर एन्ड रेस्क्युको प्राविधिक सहयोगमा वडा नम्बर २ र ३ मा अग्नि नियन्त्रण तथा उद्धार सम्बन्धी तालिम दिईएको हो ।

विपद् व्यवस्थापनका लागि पूर्व तयारी, जोखिम न्यूनीकरण, प्रतिकार्य र पुनः स्थापना जस्ता कार्यको व्यवस्थापन हुन नसक्दा आगलागीको जोखिम बढ्दै गएकाले अग्नि नियन्त्रण तथा उद्धार तालिम सञ्चालन गरिएको गाउँपालिकाले जनाएको छ । तालिममा आगलागी नियन्त्रण, आकस्मिक उद्धार, प्राथमिक तथा आकस्मिक उपचार, अग्नि नियन्त्रणमा प्रयोग हुने सामाग्रीको प्रयोग लगायतका तालिम प्रदान गरिएको छ ।