जिल्ला प्रशासन कार्यालय ओखलढुंगामा ‘क्यु आर’ कोड मार्फत प्रशासनमा गुनासो राख्न सकिने

मंंसिर १५, सोलुखुम्बु । जिल्ला प्रशासन कार्यालय ओखलढुंगामा ‘क्यु आर’ कोड स्क्यान गरेर गुनासो राख्न सकिने भएको छ । सेवाग्राहीका गुनासो सम्बोधनका लागि जिल्ला प्रशासन कार्यालयमा ३ वटा ‘क्यु आर कोड’ को व्यवस्था गरेको हो ।

सेवाग्राही तथा जिल्लाका नागरिकका गुनासो एवम् जिज्ञासा सिधै सम्बोधन गरि सेवा प्रवाहलाई थप प्रभावकारी र जवाफदेही बनाउन यो सुविधा ल्याइएको प्रशासकीय अधिकृत अनुप पौडेलले बताउनुभयो ।

सेवा प्रवाह र जिल्लाका समस्या तथा गुनासो प्रत्यक्ष प्रमुख जिल्ला अधिकारी र कार्यालयले सम्बोधन गर्न सकिने गरि ‘क्यु आर’ कोडको व्यवस्था गरिएको प्रशासकीय अधिकृत पौडेलले जानकारी दिनुभयो ।

यसले प्रशासनको सेवा प्रवाहलाई थप चुस्त दुरुस्त र सेवाप्रवाह जनमैत्री बनाउने कार्यालयको उद्देश्य रहेको छ । समग्र जिल्लाको शान्ति सुरक्षा, सुशासन र कार्यालयको सेवा प्रवाहका बिषयमा प्रत्यक्ष गुनासो सुन्ने गरि ‘क्यु आर कोड’ को व्यवस्था गरिएको जनार्ईएको छ ।