थुलुङका ९ वटै वडामा माओवादीले वडा सम्मेलन गर्दै 

मंसिर १८, सोलुखुम्बु । नेकपा माओवादी केन्द्र थुलुङ दुधकोशीले गाउँपालिका भरिका वडामा सम्मेलन गर्ने जनाएको छ ।  ९ वटा वडा रहेको गाउँपालिका गाउँपालिका कमिटीले आगामी २१ मंसिर देखी ३० मंसिर सम्म वडा सम्मेलन गर्ने तयारी गरिएको हो । सम्मेलन गाउँपालिकाको वडा नम्बर ६ मुक्लिबाट २१ गते सुरु हुने र वडा नम्बर ८ देउसामा ३० गते सकिने माओवादी केन्द्र थुलुङ दुधकोशी कमिटी सचीव राम किरण राईले बताउनुभयो ।

उहाँका अनुसार २१ गते वडा नम्बर ६ मुक्लिमा वडा सम्मेलन हुने छ । यस्तै २२ गते वडा नम्बर ७ देउसा, २३ गते वडा नम्बर २ काँगेल, २४ गते  वडा नम्बर ३ पञ्चन, २५ गते वडा नम्बर १ नेले, २६ गते वडा नम्बर ४ जुबु, २७ गते वडा नम्बर ५ जुबु, २८ गते वडा नम्बर ९ लाेखिम र ३० गते वडा नम्बर ८ देउसामा वडा सम्मेलनको तयारी भएको  छ ।  सम्मेलनमा वडा तहको सङ्गठनको अवस्था बुझ्दै सङ्गठन सुदृढीकरण तथा विस्तार गरिने गाउँ कमिटी अध्यक्ष राम सङ्घर्ष किराँतीले बताउनुभयो ।