माप्य दुधकाेशी ५ ः माओवादीकाे अध्यक्षमा अविनाश तामाङ चयन, ६ को सम्मेलन जारी  

पौष ६, सोलुखुम्बु । नेकपा माओवादी केन्द्र माप्य दुधकोशी ५ को अध्यक्षमा अविनाश तामाङ चयन हुनुभएको छ । शुक्रबार सम्पन्न वडा समितिको दोश्रो सम्मेलनले तामाङको अध्यक्षतामा २१ सदस्यीय मूल वडा समिति चयन गरेको हो । यस्तै माप्य दुधकोशी गाउँपालिका वडा नम्बर ६ को वडा सम्मेलन समेत जारी रहेको जनाइएको छ । सम्मेलनको प्रमुख आतिथ्यता प्रदेश सचिवालय सदस्य तथा जिल्ला सहइन्चार्ज, थुलुङ दुधकोशी गाउँपालिका अध्यक्ष असिम राईको रहेको जनाइएको छ ।  भने माप्य दुधकोशी गाउँपालिका उपाध्यक्ष गौरव राई लगायत अन्य नेताहरूको उपस्थितिमा वडा सम्मेलन जारी छ ।

वडा नम्बर ५ को अधिवेशनबाट वडा समितिको उपाध्यक्षमा मिङमार शेर्पा र दिनुका राई, सचिवमा टिकामान राई, सहसचिवमा रविन राई, कोषाध्यक्षमा रमेश राई चयन भएका छन् । यस्तै सदस्यहरूमा राम बहादुर राई, उत्तम राई, राकेश राई, मनिराम राई, मिन कुमार तामाङ, विक्रम तामाङ, टेक कुमारी राई, प्रेम कुमारी राई, तीर्थ राई, छवि राई, डेन्दु शेर्पा, सुजता बिक, राम कुमार बिक, डाक माया राई र फुर्वा तेन्जी शेर्पा चयन भएका छन् ।  

यस्तै अधिवेशनबाटै अखिल नेपाल क्रान्तिकारी किसान सङ्घको माप्य दुधकोशी ५ को संयोजकमा मिङमार शेर्पा र सह संयोजकमा दिल बहादुर राई चयन हुनुभएको जनाइएको छ ।  यस्तै महिला सङ्घको संयोजकमा दिनुका राई, सह संयोजकमा रमिला तामाङ, सचिवमा सुनिता राई यस्तै वाइसिएल नेपालको संयोजकमा मनोज राई, सहसंयोजकमा सुनिल तामाङ चयन भएको जनाइएको छ । नेकपा माओवादी केन्द्र कोशी प्रदेश समिति सदस्य तथा माप्य दुधकोशी गाउँपालिका उपाध्यक्ष गौरव राईको प्रमुख आतिथ्यमामा सम्पन्न वडा सम्मेलन वडा नम्बर ५ पार्टी कमिटी अध्यक्ष किशोर राईको अध्यक्षतामा सम्पन्न भएको थियो ।