ऐसेलुखर्कका २ जना अपाङ्गता भएका व्यक्तिलाई घरमै नागरिकता 

पौष १३, सोलुखुम्बु । खोटाङको ऐसेलुखर्क गाउँपालिकाका २ जना अपाङ्गता भएका व्यक्तिहरूलाई घरमै पुगेर नागरिकता वितरण गरिएको छ ।  गाउँपालिकाको वडा नम्बर २ बादेलका २ जना अपाङ्गता भएका व्यक्तिहरूलाई उनीहरूको घरमै पुगेर नागरिकता वितरण गरिएको हो ।  ऐसेलुखर्क गाउँपालिका अध्यक्ष गिरेन्द्र बहादुर राईको पहलमा बादेलका सलिना राई र दीपक राईलाई उनीहरूको घरमै पुगेर नागरिकता वितरण गरिएको जनाइएको छ ।  

नागरिकता वितरणका लागी गाउँपालिका अध्यक्ष राई सहित प्रमुख जिल्ला अधिकारी शिवकुमार कार्की, ऐसेलुखर्क गाउँपालिकाका उपाध्यक्ष राजेश राजभण्डारी, जिल्ला प्रहरी कार्यालय खोटाङका डीएसपी प्रतीक विष्ट, गाउँपालिकाको वडा नम्बर २ का वडा अध्यक्ष सहित जनप्रतिनिधी तथा कर्मचारी लगायत पुगेर नागरिकता प्रमाणपत्र प्रदान गर्नुभएको हो ।  नागरिकता नहुँदा उनीहरू सरकारी सेवा सुविधाबाट बञ्चित भएको जानकारी पाएपछि उनीहरूको घरमै पुगेर नागरिकता वितरण गरिएको गाउँपालिका अध्यक्ष राईले बताउनुभयो ।

गाउँपालिकामा रहेका अशक्त,अपाङ्ग र फरक क्षमता भएका अन्य नागरिकहरूलाई गाउँपालिकाले खोजी गरेर नागरिकता वितरण गरिरहेको अध्यक्ष राईले बताउनुभयो । पूर्ण रुपमा अपाङ्गता भएका उनीहरूले नागरिकता प्राप्तीका लागी सरकारी प्रकृया पुरा गर्न नसक्ने अवस्था भएकाले सबै काम सरकारी निकायबाटै गरेर उनीहरुलाई नागरिकता वितरण गरिएको हो ।  

अडियाेमा सुन्नुहाेस-