खिजिदेम्बा गाउँपालिका : निःशुल्क लोकसेवा तयारी कक्षाको शुभारम्भ

माघ २३, सोलखुम्बु । ओखलढुगांको खिजिदेम्बा गाउँपालिकाले नि : शुल्क लोकसेवा आयोगका तयारी कक्षा सुरु गरेको छ । बढ्दो शैक्षिक बेरोजगार न्यूनीकरण गर्न र युवा शक्तिलाई स्वदेशमै अड्याउने उद्देश्यले गाउँपालिकाले तीन महिने तयारी कक्षा सुरु गरेको हो । लोकसेवा आयोगले लिने नायव सुब्बा र सहायक पाचौँ पदको तयारी कक्षा पालिकाले सञ्चालन गरेको हो ।

तयारी कक्षाको लागि विद्यार्थीहरूको उत्साहजनक सहभागिता रहेको पालिका अध्यक्ष गोम्बु शेर्पाले जानकारी दिनुभयो । मानव संशोधनको विकास नगरी पालिका समृद्ध बन्न नसक्ने भन्दै लोकसेवाको तयारी कक्षा सञ्चालन गरेको गाउँपालिकाका उपाध्यक्ष शुसिला तामाङ बताउनुभयो । पढेका युवा बेरोजगार हुँदा पढेर मात्रै के गर्ने भन्ने बुझाई युवामा आउन थालेको भन्दै उपप्रमुख तिवारीले सरकारी सेवामा प्रवेशका लागि सहयोगी बन्न कक्षा सञ्चालन गरेको उहाँको भनाई छ ।

अनुभवी प्रशिक्षकद्वारा प्रशिक्षण दिइने प्रमुख प्रशासकीय अधिकृत गौरव राज केसीले बताउनुभयो । सैद्धान्तिक र प्रयोगात्मक विधिद्वारा कक्षा सञ्चालन गरिनुका साथै पालिकाले विगतका वर्षमा चलाएको निःशुल्क कक्षाको प्रभावकारिता राम्रो भएकाले यस पटक निःशुल्क तयारी कक्षालाई निरन्तरता दिइएको प्रमुख प्रशासकीय अधिकृत केसीले उल्लेख गर्नुभयो ।