राष्ट्रपति चुरे संरक्षण कार्यक्रममा प्रगति भएको रक्षामन्त्री राईको भनाई

माघ २५, सोलुखुम्बु । रक्षामन्त्री मानवीर राईले सैनिक सामग्री खरिद एवं व्यवस्थापन, बंकरदेखि ब्यारेक कार्यक्रम र राष्ट्रपति चुरे संरक्षण कार्यक्रममा लक्ष्यबमोजिम प्रगति भएको बताउनुभएको छ । शुक्रबार मन्त्रालयमा आयोजित पत्रकार सम्मेलनमा उनले यस्तो उल्लेख गर्नुभएको हो । उहाँले विपद् प्रतिकार्यमा नेपाली सेनाको सक्रियता र भूमिका उल्लेखनीय रहेको बताउनुभयो ।

काठमाडौं तराई मधेस द्रुत मार्ग सडक आयोजनाको शुरु बिन्दु यथाशीघ्र निर्माण गर्नको लागि सरोकारवालाबीच समन्वय भइरहेको मन्त्री राईको भनाई छ । खरिद प्रक्रियालाई कानुनसम्मत एवं पारदर्शी हिसाबले अघि बढाउनुका साथै राष्ट्रिय एवं अन्तर्राष्ट्रिय मापदण्डबमोजिम द्रुत मार्गको गुणस्तर कायम गर्न निर्माण पूर्व र निर्माणको क्रममा प्रयोग हुने सामग्रीलगायत निर्माण कार्यको गुणस्तरमा कुनै सम्झौता नगर्ने विषयमा विशेष ध्यान दिन जरुरी रहेको उल्लेख गर्नुभयो ।

उहाँले निर्धारित समयमै गुणस्तरीय रूपमा निर्माण गराउने सन्दर्भमा मन्त्रालयले निरन्तर सहयोग र समन्वयका साथै निरन्तर अनुगमन गर्नुपर्ने जरुरी रहेको बताउनुभयो । रेलमार्ग खोकना क्षेत्रमा नजाने पनि दाबी गर्नुभयो । खोकना क्षेत्रमा स्मार्ट सिटी पनि जग्गाको अभावका कारण बन्न नसक्ने र फास्टट्रयाकमा लाभकर छुट दिनेकुरा जनताका लागि काम गरेको बताउनुभयो ।