महाकुलुङमा साढे ८ सय किशोरीलाई लगाइयो एचपिभी खोप

माघ २६, सोलुखुम्बु । सोलुखुम्बुको महाकुलुङका साढे ८ सय बालिका र किशोरीलाई पाठेघरको मुखको क्यान्सरविरुद्धको एचपिभी खोप लगाइएको छ । राष्ट्रिय खोप अभियान अन्तर्गत पालिका भित्रका ८ सय ५० जना बालिका र किशोरीलाई एचपिभी खोप लगाइएको स्वास्थ्य शाखा प्रमुख हरिप्रसाद आचार्य जानकारी दिनुभयो ।

माघ २३ गतेबाट सुरु गरिएको खोप अभियान गाउँपालिका अध्यक्ष सूर्य बहादुर कुलङ तथा पालिका भित्रका ५ वटै वडाका वडाअध्यक्षहरुले एकै साथ खोप अभियानको शुभारम्भ गरिएको सहकर्मी झलक राईले जानकारी दिनुभयो ।

महाकुलुङ गाउँपालिका १० वटा सरकारी बिद्यायलय तथा ६ वटा स्वास्थ्य शाखा गरि १६ वटा खोप केन्द्रबाट कक्षा ६ देखि कक्षा १० अध्ययनरत छात्रहरुलाई र बिद्यालय बाहिर रहेका १० बर्ष देखि १४ बर्ष किशोरीहरुलाई लक्षित गरि खोप लगाइएको छ ।

उक्त खोप अभियानमा पालिका खोप समन्वय समिति अध्यक्ष तथा उपाध्यक्ष वडा खोप समन्वय वडा अध्यक्ष, कार्यपालिका सदस्यहरु, विद्यालयका शिक्षक, सुरक्षाकर्मी, संचारकर्मी लगायत सरकारी तथा गैरसरकारी संस्थाका प्रमुख तथा प्रतिनिधिहरुको महत्वपूर्ण भुमिका निवार्ह गरेका छन् ।