जिम्बिर जडेनी सामुदायिक वनमा आगलागी, आगो निभाउन बाल्टिन र ड्रम बोकेर गए स्थानीय 

माघ २६, सोलुखुम्बु ।  सोलुखुम्बुको एक सामुदायिक वनमा आगलागी भएको छ ।  जिल्लाको नेचासल्यान गाउँपालिका १ स्थित जिम्बिर जडेनी सामुदायिक वन क्षेत्रमा आगलागी भएको हो ।  आगलागी कहाँबाट सुरु भएको भन्ने पुष्टि नभएपनि आल प्रहरी र स्थानीयको सक्रियतामा  आगलागी नियन्त्रणमा लिने कार्य भइरहेको छ ।  स्थानीय र प्रहरी हातमा बाल्टीन, गाग्री लगायत पानी बोक्ने भाँडा बर्तन लिएर जङ्गलमा लागेको आगो निभाउन पुगेका थिए ।  आगलागीले तत्काल बस्ती भेट्ने जोखिम नभएपनि सचेत रहनुपर्ने अवस्था रहेको जनाइएको छ ।  सुख्खा मौसममा आगलागी सम्बन्धी घटनाहरूको बढ्दै जाने भएकाले आगो  ज्वलनशील पदार्थको प्रयोग गर्दा सावधानी अपनाउन पनि प्रहरीको आग्रह छ ।