माओवादी सोलुखुम्बुको इन्चार्जमा राई, अन्य जिल्लामा को भए इन्चार्ज ? हेर्नुहाेस समाचारमा

माघ २८, सोेलुखुम्बु । नेकपा माओवादी केन्द्रले सोलुखुम्बुका लागी हेमकुमार राईलाई जिल्ला इन्चार्ज तोकेको हो । केन्द्रीय समिति बैठकको म्यान्डेटअनुसार हालै बसेको माओवादीको पदाधिकारी बैठकले जिल्ला इन्चार्जहरुको टुंगो लगाएर मातहतका कमिटीमा सर्कुलर पठाएको हो ।

बैठकबाट राईलाई सोलुखुम्बु इन्चार्ज तोकिएको छ भने अन्य जिल्लाहरुमा पनि इन्चार्ज ढुंगो लागेको छ । माओवादीले खोटाङको जिल्ला इन्चार्जमा समिता कार्की, ओखलढुंगाको जिल्ला इन्चार्जमा चम्पा कार्की र उदयपुरको जिल्ला इन्चार्जमा मणिखम्बु किराँतीलाई जिम्मेवारी दिएको छ ।

यस्तै कोशी प्रदेशका अन्य जिल्लाहरु ताप्लेजुङको इन्चार्जमा खेलप्रसाद बुढा क्षेत्रीलाई खटाएको छ । यस्तै पाँचथर जिल्ला इन्चार्जमा सितादेवी थेवे, इलाम जिल्ला इन्चार्जमा धिरेन्द्र शर्मा, झापा जिल्ला इन्चार्जमा रञ्जित तामाङ, मोरङ जिल्ला इन्चार्जमा कुलप्रसाद साम्बा लिम्बु, सुनसरी जिल्ला इन्चार्जमा अनिता परियार, धनकुटा जिल्ला इन्चार्जमा धनकुमारी बिकलाई खटाएको छ । यता तेह्रथुम जिल्ला इन्चार्जमा होमकुमारी खापुङ, संखुवासभा जिल्ला इन्चार्जमा रिपुकुमार राई र भोजपुर जिल्ला इन्चार्जमा नगेन्द्र राईलाई खटाएको जनाइएको छ