सिद्धिचरण ७ ले गर्यो आमा र शिशुलाई कोशेली भेट, आमाहरु बने हर्षित

चैत्र ०३, सोलुखुम्बु ।ओखलढुंगाको सिद्धिचरण नगरपालिका वडा नम्बर ७ का आमा र शिशुलाई कोशेली भेट गरिएको छ । यस आर्थिक वर्षको शनिबार चैत्र २ गते सम्म सुत्केरी हुने आमा र बच्चालाई कोशेली भेट गरिएको वडा अध्यक्ष वडा अध्यक्ष भल बहादुर कट्वालले जानकारी दिनु भयो ।

वडास्तरीय सुत्केरी कोसेली भेट कार्यक्रम अन्तरगत १३ जना आमा र शिशुलाई भेटघाट गरिएको वडा अध्यक्षको भनाई छ । भेटघाटमा स्वास्थ्य शिक्षासँगै आमा र शिशुलाई घ्यू, अण्डा, साबुन र बच्चालाई न्यानो कपडा लगायतका कोसेली प्रदान गरिएको अध्यक्ष कट्वालले बताउनु भयो ।

आमा र शिशुलाई स्वस्थ रहन मदत पुगोस् भन्ने उदेश्यले वडाले गत वर्ष देखी सुत्केरी कोसेली भेट कार्यक्रम संचालन गरेको हो । वडाबाट गत वर्ष ३० जना आमा र शिशुलाई भेटघाट गरिएको वडाले जनाएको छ । यस्तै कार्यक्रमलाई निरन्तरता दिने वडाले बताएको छ ।