सोलुमा प्रधानमन्त्री कृषि आधुनिकीकरण परियोजना ओखलढुगांको स्थानीय तहसँग योजना तर्जुमा

चैत्र ३, सोलुखुम्बु । हिमाली जिल्ला सोलुखुम्बुमा स्थानीय तहसंग योजनन तर्जुमा गोष्ठी संचालन गरिएको छ । आगामी आर्थिक वर्ष २०८२÷८३ मा सञ्चालन गर्ने योजना निर्माणमा एक रुपता ल्याउनका लागि गोष्ठी संचालन गरिएको प्रधामन्त्री कृषि आधुनिकीकरण परियोजना परियोजना कार्यान्वयन एकाइ ओखलढुगांका प्रमुख हेमबाहदुर आले मगरले जानकारी दिनुभयो ।

गोष्ठीमा प्रमुख मगरले कार्यालयबाट चालु आर्थिक बर्षमा भएको कार्य प्रगति र आगामी आर्थिक बर्षका लागि प्राप्त मापदण्ड अनुसार तयार गरिएको कार्यक्रमबारे जानकारी गराउनुभएको छ । जिल्ला समन्वय समिति सोलुखुम्बुका प्रमुख कृष्ण प्रसाद निरौलाले स्थानीय जनप्रतिनिधि र कर्मचारीको समन्वय र सहकार्यबाट मात्र प्रभावकारी रुपमा काम गर्न सकिने बताउनुभयो ।

उहाँले कृषि क्षेत्रमा लगानी भएपनि सन्तोषजनक उपलब्धि नदेखिएकोले यस विषयमा गम्भीर समीक्षा गर्नुपर्ने अवस्था रहेको उल्लेख गर्नुभयो । कृषिमा भएको सामान्य उपलब्धिको जसलिने धेरै भएपनि समन्वय गरेर काम गर्ने प्रचलन कम भएकोले आगामी दिनमा विषयगत कार्यालयहरु एउटै बाटोबाट कृषकसम्म पुग्ने अवस्था गराउनुपर्ने प्रमुख निरौलाको भनाई छ ।

यस्तै गोष्ठीमा सहभागी स्थानीय तहका कृषि शाखाका प्रमुख तथा प्राविधिक साथै कृषकहरुले पूर्वि क्षेत्रमा उत्पादन हुने खालका फलफुलका विरुवाहरु मात्र उपलब्ध गराउन आग्रह गरेका छन् । साथै उनीहरुले यान्त्रीकरण, दक्ष जनशक्ति र समय अनुसार उनीहरुको क्षमता विकासमा ध्यान दिनुपर्नेमा जोड दिएका छन् ।

यस्तै नेचासल्यान गाउँपालिकाका अध्यक्ष धनजन राईले जिल्लामा हावापानी अनुसारको खेतिपाती गर्न नकिएकोमा दु ः ख व्यक्त गर्नुभयो । उहाँले बजेट तथा कार्यक्रम गराउँदा लक्ष्य, उद्देश्य र आवश्यकताका बारेमा स्पष्ट हुँदामात्र गन्तव्यमा पुग्न सकिने औँल्याउनुभयो ।

यता कृषि ज्ञान केन्द्र सोलुखुम्बुका प्रमुख दुर्गा बहादुर तिरुवाले क्षेत्र विस्तार कार्यक्रम र यान्त्रीकरण प्र्रयोगमा जोड दिने खालका कार्यक्रमहरु ल्याउन माग गर्नुभएको छ । कार्यक्रमकमा सहभागीहरुले जिल्लामा कृषिको विकासका लागि यान्त्रिककरण, बजारिकरण, मुल्याश्रृखला, कृषक र व्यापारीहरुको डिजिटल विवरण व्यवस्थापनमा ध्यान दिनुपर्नेमा जोड दिएका छन् ।