शक्तिशाली हावाहुरीले सोलुखुम्बुमा घरको छानो उडायो

चैत्र ३, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ११ पात्लेफेदका गोपाल भुजेलको घरको छानो हावाहुरीले उडाएको छ । आईतबार दिउँसो १२ बजेको समयमा लगातार चलेको हावाहुरीले ढुगां, माटो र टिनको छानोले बनेको दुई तले घरको छानो उडाएको हो ।

करिब १२ वटा टिनको पाता हावाले उडाएको अस्थाई प्रहरी चौकी रमितलेमा जानकारी हुन साथ प्रहरीको टोली खटिगई उचित व्यवस्थापन गरिएको जिल्ला प्रहरी कार्यालय सोलुखुम्बुका प्रहरी नायव उपरीक्षक द्धारिका प्रसाद घिमिरेले जानकारी दिनुभयो ।