सोलुखुम्बुमा ‘सोलुखुम्बु डेण्टल क्लिनिक’सञ्चालनमा : सिडियोले गरे उद्घाटन : यस्ता छन् नयाँ प्रविधि

चैत्र १३, सोलुखुम्बु । हिमाली जिल्ला सोलुखुम्बुमा ‘सोलुखुम्बु डेण्टल क्लिनिक’ संचालनमा आएको छ । हिमाली क्षेत्रका नागरिकलाई सहज तरिकाले दन्त सेवा प्रदान गर्ने उद्देश्यले जिल्लाको सोलुदुधकुण्ड नगरपालिका वडा नम्बर ५ सल्लेरीमा क्लिनिक संचालनमा आएको हो ।

क्लिनिकको बुधबार एक कार्यक्रमबिच प्रमुख जिल्ला अधिकारी अनोज कुमार घिमिरेले रिबन काटेर उद्धाटन गर्नुभएको छ । उद्घाटन कार्यक्रममा बोल्दै प्रजिअ घिमिरेले क्लिनिकले गुणस्तरीय सेवा प्रदान गर्नुपर्नेमा जोड दिनुभयो ।

उहाँले ग्रामिण शहरमा सञ्चालन भएको क्लिनिकले आस–पासका ग्रामिण क्षेत्रका जनतालाई सहज सेवा दिन आग्रह गर्नुभयो । यस्तै क्लिनिकले यस क्षेत्रका बासिन्दाले अन्यत्र जान नपर्ने र यहिबाट सेवा लिने विश्वास व्यक्त गर्नुभयो । उहाँले विपन्न समुदायका नागरिकलाई सर्वसुलभ रुपमा सेवा प्रदान गर्न आग्रह गर्नुभयो ।

यस क्लिनिक नयाँ अध्यायनको शुभारम्भ भएको हुदाँ यसै अवसरमा नि : शुल्क २ दिने दन्त परीक्षण संचालन गरिने प्रजिअ घिमिरेले प्रतिबद्धता व्यक्त गर्नुभएको छ ।