जिल्ला कारागार सोलुखुम्बुका ५ कैदीलाई नागरिकता प्रदान

बैशाख १२, सोलुखुम्बु । जिल्ला कारागार सोलुखुम्बुका ५ कैदीबन्दी लाई प्रमुख जिल्ला अधिकारी अनोज कुमार घिमिरेले नागरिकता वितरण गर्नु भएको छ । प्रजिअ घिमिरेले शुक्रबार कारागारमै पुगेर ३ जना पुरुष र २ जना महिलालाई नागरिकता वितरण गर्नुभएको हो । जसमध्ये २ जना महिला र एक जनालाई पुरुषलाई प्रतिलिपी र २ जना पुरुषलाई नयाँ नागरिकता वितरण गरिएको प्रजिअ घिमिरेले जानकारी दिनुभयो ।

उहाँका अनुसार २०८१ कार्तिकदेखि हालसम्म १४ जनालाई नागरिकता प्रदान गरिएको छ । जसमा ३ जना महिलालाई नयाँ र ६ जना पुरुष कैदीबन्दी गरी ९ जनालाई नयाँ नागरिकता प्रदान गरिएको हो । यस्तै हालसम्म ५५ जना कैदीबन्दी राष्ट्रिय परिचय पत्रका लागि विवरण सङ्कलन गरिएको छ । हाल जिल्ला कारागार सोलुखुम्बुमा ९८ जना कैदीबन्दीहरु रहेका छन् ।