सोलुखुम्बुमा ४८ प्रतिशत मत खस्यो

फागुन २१, सोलुखुम्बु । हिमाली जिल्ला सोलुखुम्बुमा आज सम्पन्न प्रतिनिधिसभाको निर्वाचनमा ४८ प्रतिशत मत खसेको छ । १ मात्र निर्वाचन क्षेत्र रहेको जिल्लामा ८५ हजार ५ सय १५ मतदाता रहेकोमा यो निर्वाचनमा ४१ हजार ४ सय १ मत खसेको हो ।

मतदान गर्नेहरुमा पुरुष २१ हजार ५ सय ९० छन भने महिला १९ हजार ८ सय ११ रहेका छन् । ८ स्थानीय तह रहेको यस जिल्लामा १ सय ३९ मतदान केन्द्रहरु रहेको छन् । मतदान सकिएसँगै माथिल्लो हिमाली क्षेत्रका केन्द्रहरुबाट भोली विहान हेलिकप्टर बाट र तल्लो क्षेत्रका सडक मार्ग मार्फत मतपेटीका सदरमुकाम सल्लेरी ल्याईने प्रमुख निर्वाचन अधिकृत चन्द्रकुमार पोख्रेलले जानकारी दिनुभयो ।