फागुन २२, सोलुखुम्बु । सोलुखुम्बुको हिमाली क्षेत्रका खुम्बुका मतदान केन्द्रहरुबाट हेलिकप्टर मार्फत मतपेटिकाहरु ढुवानी गर्ने काम शुरु भएको छ । नेपाली सेनाको हेलिकप्टरले खुम्बु क्षेत्रबाट सदरमुकाम सल्लेरी ल्याउन थालेको प्रमुख जिल्ला अधिकारी लिला केसी पाण्डले जानकारी दिईन् । ३–४ उडानमा सबै मतपेटिका सदरमुकाम ल्याईसक्ने तयारी गरिएको छ ।
मध्यान्ह १२ बजेसम्म सबै मतपेटिकाहरु सल्लेरी आईसक्ने मुख्य निर्वाचन अधिकृत चन्द्रकुमार पोख्रेलले जानकारी दिए । अहिले जिल्लाको ५ वटा पालिकाको मत पेटिका सदरमुकाम आईसकेको छ भने खुम्बु, सोताङ र महाकुलुङ गाउँपालिकाको आउनेक्रम जारी छ । कुल १३९ मतदान केन्द्रमा ४१ हजार ४ सय ८१ मतदाताले भोट खसालेका थिए । ८५ हजार ५ सय १५ मतदाता रहेको जिल्लामा प्रतिनिधि सभा निर्वाचनमा ४८ प्रतिशत मत खसेको हो ।
Discussion about this post