सोलुखुम्बुमा वृद्धा बेपत्ता, तीन दिनदेखि खोजी जारी

फागुन २८, सोलुखुम्बु। सोलुखुम्बुमा एक ६१ वर्षीया महिला तीन दिनदेखि बेपत्ता भएकी छन् । जिल्लाको सोलुदुधकुण्ड नगरपालिका वडा नम्बर २ अन्तर्गत दोलाँगे गाउँका ६१ वर्षीया फुर्वा शेर्पेनी घरबाट निस्किएपछि सम्पर्कविहीन भएकी हुन् । पारिवारिक स्रोतका अनुसार उनी घरबाट बाहिरिएपछि अहिलेसम्म सम्पर्कमा आएका छैनन् । घटना भएको तीन दिन बितिसक्दा पनि उनको अवस्थाबारे कुनै ठोस जानकारी प्राप्त हुन सकेको छैन् ।

परिवारका सदस्य तथा स्थानीयवासीले आसपासका जंगल, बाटो तथा बस्तीहरूमा खोजी कार्य गरिरहेका छन् । तर हालसम्म उनको कुनै पत्ता नलागेपछि परिवार चिन्तित बनेको छ । परिवारजनले सबैसँग सहयोगको अपिल गर्दै, कतै देख्नुभएको वा उनीसम्बन्धी कुनै जानकारी भए तत्काल जानकारी गराइदिन अनुरोध गरेका छन् ।

स्थानीयवासीले पनि समुदायको सहकार्यबाट खोजी कार्यलाई तीव्र बनाउनुपर्ने बताएका छन् । यदि कसैले फुर्वा शेर्पेनीलाई कतै देख्नुभएको छ वा उनीसम्बन्धी कुनै जानकारी छ भने परिवारले उपलब्ध गराइएको फोन नम्बरमा तुरुन्त सम्पर्क गर्न आग्रह गरेको छ ।