असोज २७, सोलुखुम्बु । चाडपर्व नजिकिँदै जाँदा थुलुङ दूधकोशी गाउँपालिकाले बजार अनुगमनालाई तिव्रताका साथ अघि बढाएको छ । यस अघि पनि गाउँपालिका क्षेत्रका विभिन्न मुख्य बजार अनुगमन गर्दै आएको गाउँपालिकाले मंगलबार नेले बजार अनुगमन गरि ठुलो मात्रमा अखाद्य बस्तु बरामद गरेको छ । वडा नम्बर १ का अध्यक्ष घनराज सुनुवारको राहेबरमा गरिएको अनुगमनका क्रममा ३९ हजार ३ सय ४० रुपैयाँ बराबरका अखाद्य तथा म्याद गुज्रिएका सामग्री बरामद नष्ट गरिएको छ । गाउँपालिकाको बजार अनुगमन समितिले असोज २० गते गठन गरेको अनुगमन टोलीले असोज २७ गते बजार अनुगमनका क्रममा उक्त मूल्य बराबरका उपभोग्य सामग्री बरामद गरेको हो । बरामद गरिएका सामग्री थुलुङ दूधकोशी गाउँपालिका–१ का वडाध्यक्ष धनराज सुनुवारको रोहवरमा सोही दिन जलाएर नष्ट गरिएको कागजातमा उल्लेख छ । चाडपर्वको समयमा बजारमा दैनिक उपभोग्य बस्तुहरुको खरिद विकृ बढ्ने र यस्तो अवस्थामा म्याद गएका वा उपभोक्ताको स्वास्थ्यमा प्रत्यक्ष असर पार्न सक्ने अखाद्य तथा म्याद गुज्रिएका सामग्रीको बिक्री वितरण नियन्त्रण गर्न बजार अनुगमनलाई तिव्र बनाइएको गाउँपालिकाका प्रवक्ता भोजराज काकीृले बताउनुभयो ।
