नेकपा एमाले साेलुखुम्बुकाे अध्यक्षमा बास्तोला दाेहाेरिए 

कम्युनिष्ट पार्टी एमाले सोलुखुम्बुको अध्यक्षमा डुफ कुमार बास्तोला दाेहाेरीनु  भएको छ । अनेकन प्रयासका बावजुद सहमतिमा नेतृत्व चयन हुन नसकेपछि निर्वाचन प्रकृयामा गएको एमाले सोलुखुम्बूको अध्यक्षमा बास्तोला दोश्रो कार्यकालका लागी दोहोरिनु भएको हो ।

अध्यक्ष पदका लागी उम्मेद्वारी दिनुभएका उहाँका निकटतम प्रतिस्पर्धी हर्क बहादुर राई १ सय ३० मतले पराजित हुनुभएको छ । निर्वाचित अध्यक्ष बास्तोलाले  २ सय ५५ मत प्राप्त गर्दा राईले १ सय २५ मत प्राप्त गर्नुभएको थियो । यस्तै उपाध्यक्षमा निकटतम प्रतिस्पर्धी रामकाजी श्रेष्ठलाई १ सय ८८ मतान्तरले पराजित गर्दै आश कुमार राई २७७ मतसहित निर्वाचित हुनुभएको छ । प्रतिस्पर्धी रामकाजी श्रेष्ठले ८९ मत प्राप्त गर्नुभएको जनाइएको छ ।

 यसैबीच नेकपा एमाले सोलुखुम्बुको सचिवमा कल्पना राईले जित हासिल गर्नुभएको छ ।  उहाँले २५९ मतसहित विजयी हासिल गर्नुभएको हो । उहाँका अन्य प्रतिस्पर्धीहरू जगन्नाथ बास्तोलाले ४४ र दीपक राजभण्डारीले ८४ मत प्राप्त गर्नुभएको निर्वाचन मण्डलले जनाएको छ ।

यस्तै उपसचिवमा मिङ्मा छिरी शेर्पा १५९ र मोहन कुमारी कार्की १७० मतसहित विजयी हुनुभएको छ । गत शुक्रबारबाट सुरु भएको एमालेको आठौं जिल्ला अधिवेशनमा सहमतिको प्रयास असफल भएपछि हिजो शनिवार निर्वाचन भएको थियो ।