खाेटाङ्गमा आगलागीबाट ३ करोड ७२ लाख बढीको क्षति 

खोटाङमा आगलागी बाट ३ करोड ७२ लाख बढीको क्षति भएको छ । चालु आर्थिक वर्ष २०८०÷८१ को ८ महिनामा जिल्लामा ३ करोड ७२ लाख ३६ हजार ६ सय रुपैयाँको क्षति भएको हो । जिल्ला प्रहरी कार्यालय खोटाङका अनुसार यो आठ महिनामा आगलागीका घटनाबाट ४ जना मानिस घाइते भएका छन भने ४६ वटा घर जलेर नष्ट भएका छन ।  यस्तै आगलागीबाट ४९ गोठ र  ४२ वटा वन समेत जलेका छन ।  आगलागीबाट ७९ वटा चौपाया र १ सय ६५ वटा कुखुरा जलेर मरेका छन ।

कार्यालयका अनुसार ४० पशु चौपाया घाइते भएका छन । लामो समय लागेको खडेरीका कारण फाल्गुन महिनामा आगलागीका घटना ह्वात्तै बढेको थियो । अहिले फेरिपनि फाट्टफुट्ट आगलागीका घटनाहरू भइरहने कार्यालयका सूचना अधिकारी बेनु कार्कीले जानकारी दिनुभयो । यद्यपि प्रहरी यस्ता भवितव्य घटनाहरूको लागी सुरक्षार्थ  तैनाथ रहेकाे उहाँले बताउनुभयाे ।