खोटाङका तिन घर आगलागी, ७० लाख बढीको क्षति

खोटाङमा एकैदिन आगलागीबाट जलेर ३ घर नष्ट भएका छन । जिल्लको हलेसी तुवाचुङ नगरपालिकाको १ सँगै दिप्रुङ चुईचुम्मा र रावा बेसी गाउँपालिकाका १÷१ वटा घर आगलागीबाट जलेर नष्ट भएको हो । ३ स्थानमा भएको आगलागीबाट ७० लाख बढीको क्षति भएको छ ।

हलेसी तुवाचुङ नगरपलिकाको वडा नम्बर १ बाहुनिडाडाँको एक सामुदायिक वनबाट सुरु भएको डडेलोले सोहि नगरपालिका वडा नम्बर ३ च्यास्मीटारका वशन्त राईको घर जलेर नष्ट भएको छ । राईको रित्तो घरमा आगलागी हुदा करिव १ लाख बराबरको क्षति भएको जिल्ला प्रहरी कार्यालय खोटाङका प्रहरी निरिक्षक बेनु कार्कीले बताउनुभयो ।

यस्तै, आगलागीबाट सोमबार रावाबेसी गाउँपालिका–४ डुम्रेधारापानीका चन्द्रबहादुर बिकको घर पनि पूर्णरुपमा जलेर नष्ट भएको छ । उहाँको घर जल्दा ९ लाख बराबरको क्षति भएको प्रहरीले जनाएको छ । आगलागीमा परेर बिकको घर सहित, ४० हजार रुपैयाँ नगद, सोलार बत्ति सेट नष्ट भएको छ ।

यता विद्युत सर्टबाट भएको आगलागीका कारण जिल्लाकै दिप्रुङ चुईचुम्मा गाउँपालिका–७ टेम्माका प्रेमकुमार राईको घर जलेको छ । सोमबार विद्युत सर्ट भएपछि सुरु भएको आगलागीबाट राईको २ तले घर सहित सुन (२ तोला), ६ तोला चाँदी, नगद ३० हजार लगायत जल्दा ६० लाख बराबरको क्षति भएको प्रहरीको प्रारम्भीक अनुमान छ ।