खार्पाको एक निजी वनमा आगलागी, रेलुङ बस्ती जोखिममा (भिडियाे सहित )

खोटाङमा रावाबेसी गाउँपालिका वडा नम्बर २ खार्पा गैरिवारीको एक निजी वनमा आगलागी हुँदा मानव बस्ती जोखिममा परेको छ ।  अहिले साँझ ६ बजेबाट सुरु भएको आगलागीका कारण नजिकै रहेको रेलुङ बस्ती जोखिममा परेका हो ।  वनमा आगलागी भएपछि वन क्षेत्र नजिक रहेका मानव बस्तीहरु तनावग्रस्त बनेको बताइएको छ ।

यसबारेमा हामिले वडा नम्बर २ खार्पाका वडा अध्यक्ष डोलराज बस्नेतसँग जानकारी लिँदा उहाँले आगो बढ्दै गएकोले नियन्त्रणका लागी प्रहरीलाई जानकारी गराउने बताउनुभएको छ ।  केही समययता नियन्त्रणमा रहेको डढेलो र आगलागीका घटना फेरी सुरु भएका छन् ।

खोटाङका बिभिन्न पालिकाहरुका सामुदायिक तथा निजी वन जंगलमा मा यतिखेर आगलागीका घटना बढिरहेका छन्  भने वनमा लागेको डढेलो गाउँ पस्दा धनजनको क्षति भइरहेको छ । 

फाेटाे भिडियाे श्राेत- शिखा काेयी राई