खाेटाङ्ग : २ दिनमा ३ जना मृत फेला

साेलुखुम्बु – खोटाङमा फरक फरक मितिमा २ किशोर सहित १ पुरुष मृत फेला परेका छन् । जिल्लाको ऐसेलुखर्क गाउँपालिका र दिक्तेल रूपाकोट मझुवागढी नगरपालिकाका १/१ जना किशोर र बराहपोखरी गाउँपालिका १ जना पुरुष मृत फेला परेको हुन ।

जिल्ला प्रहरी कार्यालय खोटाङका अनुसार जिल्लाको ऐसेलुखर्क गाउँपालिका वडा नम्बर ४ का १६ वर्षीय सागर राई, दिक्तेल रूपाकोट मझुवागढी नगरपालिका वडा नम्बर ११ नुनथलाका खाम्लाका १७ वर्षीय मदन राई र बराहपोखरी गाउँपालिकाका ४ का ५८ वर्षीय राम बहादुर राई मृत फेला परेका हुन ।

उनीहरू मध्ये सागर ऐसेलुखर्क गाउँपालिका वडा नम्बर ३ का बम बहादुर श्रेष्ठको घरमा डेरा बस्दै आएका थिए । उन लाई बैशाख ३ गते डेरामा झुण्डिएको अवस्थामा फेला परेको खवर प्रहरी लाई प्राप्त भएको थियो । यस्तै अर्का मृतक नुनथलाका मदन राईलाई घरबाट हिँडेको २ दिन पछि मृत फेला पारिएको थियो ।

बैशाख ३ गते घरबाट घरबाट हिँडेका मदन बैशाख ५ गते सोही वडाका चन्द्र चाम्लिङको बारीमा पासो लगाइ झुन्डिएको अवस्थामा फेला परेका थिए । यता ससुरालीमा पास्नीको निम्तो मान्न हिँडेका बराहपोखरी गाउँपालिका वडा नम्बर ४ का राम बहादुर राईको भीरबाट लडेर ज्यान गएको हो ।

बैशाख ५ गते भोज खाएर घर फर्कने क्रममा उनको गाउँपालिकाकै वडा नम्बर ४ र ५ को सिमानामा पर्ने बेतुवा खोलाको भीरबाट लडेर ज्यान गएको जिल्ला प्रहरी कार्यालय खोटाङका प्रहरी निरीक्षक बेनु कार्कीले जानकारी दिनुभयो ।मृतकको शवलाई कानुनी प्रकृया पुरा गरि परिवारलाई जिम्मा लगाइ सकिएको छ ।