सल्लेरी च्याल्साको विद्युत महशुल दर हेरफेर

साउन २२, सोलुखुम्बु । सल्लेरी च्याल्सा विद्युत कम्पनी लिमिटेडले बिजुलीको नयाँ महशुल दर कायम गरेको छ । कम्पनीको १९१ औँ सञ्चालक समिति बैठकको निर्णय अनुसार आगामी भदौ महिना देखि लागु हुने गरी विद्युत महशुल दर परिवर्तन गर्ने भएको हो । उपभोक्ताको विद्युत उपभोग/खपत प्रयोजनका आधारमा ग्राहक वर्गीकरण गरी सोही अनुसार महशुल दर निर्धारण गरिएको कम्पनीका प्रबन्धक भोजराज तिवारीले जानकारी दिनुभयो ।

उहाँका अनुसार ग्राहस्थवर्ग, औद्योगिक, व्यापारिक, गैरव्यापारिक, सिँचाइ, खानेपानी, सडक बत्ती, यातायात, धार्मिक तथा आध्यात्मिक स्थल, अस्थायी बत्ती, गैरग्राहस्थ, मनोरञ्जन व्यवसाय र सामुदायिक थोक उपभोक्ता गरी १३ वर्गमा ग्राहक विभाजन गरिएको छ । जस्मा ग्राहस्थ वर्ग अन्र्तगत ५ एम्पियरमा ० देखि २० युनिटसम्मको मासिक शुल्क ३० रुपैयाँ र इनर्जी शुल्क प्रतियुनिट ३ रुपैयाँ, २१ देखि ३० युनिटसम्मको प्रतियुनिटको मासिक शुल्क ५० रुपैयाँ, इनर्जी शुल्क प्रतियुनिट ६ रुपैयाँ ५० पैसा र ३१ देखि ५० युनिटसम्म प्रतियुनिटको मासिक शुल्क ५० रुपैयाँ, इनर्जी शुल्क प्रतियुनिट ८ रुपैयाँ तिर्नुपर्नेछ ।

५१ देखि १०० युनिटसम्मको विद्युत खपतमा न्युनतम मासिक शुल्क ७५ रुपैयाँ तोकिएको छ भने इनर्जी शुल्क ९ रुपैयाँ ५० पैसा तोकिएको छ । १ सय १ देखि २ सय ५० युनिटसम्मको मासिक शुल्क १ सय, इनर्जी शुल्क प्रतियुनिट ९ रुपैया ५० पैसा र २५० भन्दा माथिका युनिटसम्मको मासिक शुल्क १ सय ५०, इनर्जी शुल्क प्रतियुनिट ११ रुपैयाँ निर्धारण गरिएको छ । प्रबन्धक तिवारीका अनुसार १५ एम्पियरमा ० देखि २० युनिटसम्मको मासिक शुल्क ५० रुपैयाँ, र इनर्जी शुल्क प्रतियुनिट ४ रुपैया, २१ देखि ३० युनिटसम्मको प्रतियुनिटको मासिक शुल्क ७५ रुपैयाँ, इनर्जी शुल्क प्रतियुनिट ६ रुपैयाँ ५० पैसा र ३१ देखि ५० युनिटसम्म प्रतियुनिटको मासिक शुल्क ७५ रुपैयाँ, इनर्जी शुल्क प्रतियुनिट ८ रुपैयाँ तिर्नुपर्नेछ ।

५१ देखि १०० युनिटसम्मको विद्युत खपतमा न्युनतम मासिक शुल्क १०० रुपैयाँ तोकिएको छ भने इनर्जी शुल्क ९ रुपैयाँ ५० पैसा तोकिएको छ । १ सय १ देखि २ सय ५० युनिटसम्मको मासिक शुल्क १२५, इनर्जी शुल्क प्रतियुनिट ९ रुपैया ५० पैसा र २५० भन्दा माथिका युनिटसम्मको मासिक शुल्क १ सय ७५, इनर्जी शुल्क प्रतियुनिट ११ रुपैयाँ निर्धारण गरिएको छ । यता ३० एम्पियर तर्फ ० देखि २० युनिटसम्मको मासिक शुल्क ७५ रुपैयाँ, र इनर्जी शुल्क प्रतियुनिट ५ रुपैया, २१ देखि ३० युनिटसम्मको प्रतियुनिटको मासिक शुल्क १०० रुपैयाँ, इनर्जी शुल्क प्रतियुनिट ६ रुपैयाँ ५० पैसा र ३१ देखि ५० युनिटसम्म प्रतियुनिटको मासिक शुल्क १०० रुपैयाँ, इनर्जी शुल्क प्रतियुनिट ८ रुपैयाँ तिर्नुपर्नेछ ।

५१ देखि १०० युनिटसम्मको विद्युत खपतमा न्युनतम मासिक शुल्क १२५ रुपैयाँ तोकिएको छ भने इनर्जी शुल्क ९ रुपैयाँ ५० पैसा तोकिएको छ । १ सय १ देखि २ सय ५० युनिटसम्मको मासिक शुल्क १५०, इनर्जी शुल्क प्रतियुनिट ९ रुपैया ५० पैसा र २५० भन्दा माथिका युनिटसम्मको मासिक शुल्क २०० र इनर्जी शुल्क प्रतियुनिट ११ रुपैयाँ निर्धारण गरिएको छ ।

थ्री फेज तल्लो भोल्टेजज (४०० भोल्ट) मा जुनसुकै खपतका लागि १० के.भि.ए. सम्मको मासिक शुल्क १ हजार एक सय, इनर्जी शुल्क ११ रुपैयाँ र १० के.भि.ए. भन्दा माथिका लागि मासिक शुल्क १ हजार ८ सय तथा इनर्जी शुल्क ११ रुपैयाँ ताकिएको सल्लेरी च्याल्सा विद्युत कम्पनी लिमिटेडले दर निर्धारण गरेको छ ।

यस्तै थ्री फेज मझौला भोल्टेज (३३/११ के.भी) अन्तर्गत जुनसुकै खपतका लागि मासिक शुल्क १० हजार र इनर्जी शुल्क ११ रुपैयाँ कायम गरिएको हो । सामुदायिक थोक उपभोक्ताका लागि विद्युत महसुल प्रति किलोवार्ड युनिटको ६ रुपैयाँ ७५ पैसा लाग्ने भएको छ । विद्युत महशुल भुक्तानी गर्दा उपभोक्ताले पाउने छुट तथा सुविधा सम्बन्धी व्यवस्थामा मिटर रिडिङ्ग गरेको ७ दिन भित्र उपभोक्ताहरुले महसुल बुझाएमा बिल रकमको २ प्रतिशत छुट दिइने भएको छ ।

मिटर रिडिङ्ग गरेको ८ औं दिनसम्म महसुल बुझाएमा बिल अनुसारको महसुल लाग्ने भएको उल्लेख गरिएको जनाइएको छ । उपभोक्तालाई मिटर रिडिङ्ग गरेको १८ औं दिनबाट ३० औं दिनसम्म विद्युत महसुल बुझाएममा ५ प्रतिशत थप दस्तुर लाग्ने छ, भने मिटर रिडिङ्ग गरेको३१ औं दिनबाट ४० औं दिनसम्म महसुल बुझाएमा १० प्रतिशत र मिटर रिडिङ्ग गरेको ४० औं दिन पछि महसुल बुझाएमा २५ प्रतिशत थप दस्तुर लाग्ने छ । साथै मिटर रिडिङ्ग गरेको ६० औं दिनसम्म विद्युत महसुल नबुझाएमा बिना सूचना जुनसुकै समयमा समेत विद्युत लाईन काटिने कम्पनीका प्रबन्धक भोजराज तिवारीले जानकारी दिनुभयो ।