एभरेष्ट भ्यु ट्रेल म्याराथनको पुरुष तर्फकोउपाधी महाकुलुङका अर्जुनलाई, महिलामा तर्फ प्रथम कालेबुङकी सविना (फोटो फिचर सहित)

सोलुखुम्बुको माप्य दुधकोशी गाउँपालिकामा आयोजित “एभरेष्ट भ्यु ट्रेल म्याराथन प्रतियोगिताको खुल्ला तर्फ प्रथम उपाधि महाकुलुलुङका अर्जुन कुलुङले उचालेका छन । आज गाउँपालिकाको कोर्कु रङ्गशालामा आयोजित ४७ किलोमिटर को म्याराथन प्रतियोगितामा ४ घण्टा ३८ मिनेट ४६ सेकेन्डमा दुरी पार गर्दै कुलुङले प्रथम उपाधि उचालेका हुन । यस्तै प्रतियोगितामा खुल्ला तर्फको दोश्रो स्थान त्रिभुवन आर्मी क्लबका होमलाल श्रेष्ठले ४ घण्टा ४७ मिनेट २१ सेकेन्डमा दुरी पार गर्दै जितेका छन भने तश्रो स्थान महाकुलुङकै सुमन खालिङले जितेका छन । उनले निर्धारित दूरी ५ खण्टा १ मिनेट ५६ सेकेन्डमा पार गर्दै तेश्रो स्थान हासिल गरेका छन ।  यता खुल्ला महिला तर्फको प्रथम उपाधि कालेबुङकी सविना राईले उचालेकी छन् । उनले निर्धारित ४७ किलोमिटर दूरी ६ घण्टा ९ मिनेट १० सेकेन्डमा पार गर्दै प्रथम उपाधि उचाल्न सफल भएकी हुन । भने दोश्रो स्थान खोटाङकी निर्मला राईले जितेकी छन् उनले निर्धारित दूरी ६ घण्टा ११ मिनेट ४० सेकेन्डमा पार गरिन । यस्तै खुल्ला महिला तर्फको तेश्रो स्थान ल्हाक्पा निङ्मा शेर्पाले निर्धारित दुरी ६ घण्टा ४० मिनेट ३५ सेकेन्डमा पार गर्दै हात पारेकी छिन । यता विधागत प्रतिष्पर्धाको ३० देखी ४९ वर्षको उमेर समुहमा पुरुष तर्फको प्रथम, द्वितीय र तृतीय स्थान क्रमशः जङ्गवीर कुलुङ, क्षितिज कुलुङ र  टिकामान राईले जितेका छन भने महिला तर्फको प्रथम द्वितीय र तृतीय स्थान क्रमशः अनिता राई, शुस्मा राई र आङ छुटिङ शेर्पाले जितेका छन् । यस्तै १८ देखी २९ वर्षको उमेर समुहमा पुरुष तर्फको प्रथम द्वितीय र तृतीय स्थान क्रमशः गोपाल तामाङ, उमेश राई र कुल बहादुर बस्नेतले जितेका छन भने महिला तर्फको प्रथम द्वितीय र तृतीय स्थान क्रमशः हुमि बुढा मगर, इन्द्र कला नेम्वाङ र चन्दना राईले हात पारेका छन ।  यता ५० देखी ६५ उमेर समुहको पुरुष तर्फको प्रथम, द्वितीय र तृतीय स्थान अन्तबिर राई, काजिमान राई र भीम बहादुर तामाङले हात पारेका छन ।  भने महिला तर्फको प्रथम स्थान एकल प्रतिस्पर्धी सुनवरी राईले हात पारेकी छन् । खुल्ला  महिला पुरूष तर्फका दुबै विजेता धावकहरूले पुरस्कार राशी क्रमशः प्रथम, द्वितिय र तृतीय समान १ लाख, ७५ हजार र ५० हजारकाे साथमा मेडल र प्रमाणा पत्र प्राप्त गरेका छन ।  यस्तै सबै विधागत विजेता धावकहरूले समान पुरस्कार रशाी क्रमशः प्रथम द्वितीय र तृतीय २० हजार, १५ हजार र १० हजार प्राप्त गरेका छन ।  बिहान ७ बजेर १० मिनेटमा सुरु भएको प्रतियोगिता साँझ ६ बजे सम्पन्न भएको थियो ।

प्रतियोगिताको सम्बोधन गर्दै माप्य दूधकोशी गाउँपालिका अध्यक्ष बुद्धिकिरण राईले एभरेष्ट भ्यु ट्रेल म्याराथन प्रतियोगिताले गाउँपालिकाको खेलकुद क्षेत्रमा महत्वपुर्ण योगदान गरेको बताउनुभएको छ ।  उहाँले कार्यक्रम आयोजना गर्ने लामो समयको योजना अहिले आएर सार्थक भएको जिकिर गर्नुभयो । रेडियो एभरेष्टसँग कुराकानी गर्दै उहाँले प्रतियोगिता प्रति खेलाडीहरूले देखाएको रुचिले कार्यक्रमलाई निरन्तरता दिनुपर्ने आभास गराएको पनि बताउनुभएको छ ।

 यस्तै गाउँपालिका उपाध्यक्ष गौरव राईले कुराकानीका क्रममा एभरेष्ट भ्यु ट्रेल प्रतियोगिताले गाउँपालिकाको पर्यटन प्रवर्द्धनमा दर्बिलो साथ दिने विश्वास व्यक्त गर्नुभएको छ । उहाँले प्रतियोगिताको माध्यमबाट गाउँपालिकाको पर्यटकीय गन्तव्यलाई प्रबर्द्धन गरेको बताउनुभएको छ ।

प्रतियोगिताको प्रथम स्थान हासिल गरेकी कालेबुङकी सविना राईले आफूले ट्रेल रेसमा पहिलो पटक भाग लिएको बताउँदै गाउँपालिकाले म्यापिङ गरेको ट्रेल रेसका लागी उपयुक्त ट्रेल भएको जिकिर गर्दै निरन्तरता दिनुपर्ने बताउनुभयो ।

प्रतियोगिताको प्राविधिक जिम्मेवारी मिरा राई इनिसिएटिभ पाएको थियो भने प्राविधिक जिम्मेवारी अन्तराष्ट्रिय धाविका मिरा राई आफैले पुरा गरेकी थिइन् ।

गाउँपालिकाले आयोजना गरेको एभरेष्ट भ्यु ट्रेल म्याराथन प्रतियोगितामा २०३ जनाले भाग लिएका थिए ।