मल्टि एग्रो नेशनल कम्पनीको सोलुखुम्बु शाखा उद्घाटन, कृषि उपज बजारीकरणलाई प्राथमिकता 

१३ वैशाख, सोलुुखुम्बु । हिमाली जिल्ला सोलुखुम्बुमा मल्टि एग्रो नेशनल कम्पनीले आफ्नो कार्यालय स्थापना गरेको छ ।  आज एक कार्यक्रमका बिच कम्पनीले जिल्ला सदरमुकाम सल्लेरीको आवाडाँडामा कार्यालय स्थापना गरेको हो । कृषि ज्ञान केन्द्र सोलुखुम्बुका प्रमुख दुर्गा बहादुर तिरुवाको प्रमुख आतिथ्यता भएको एक कार्यक्रमका बिच कम्पनीले जिल्लाका कृषकहरूले उत्पादन गरेका कृषि उपजहरूको भण्डारण बजारीकरणका लागी कार्यालयको स्थापना गरेको हो । एक पटकको लगानी निरन्तर आम्दानीको मूल नारा लिएको कम्पनीले कृषिक्षेत्रमा काम गर्दै आएको छ ।  

तत्काललाई भण्डारण केन्द्र र बजारीकरण गर्नेगरी स्थापना गरिएको कम्पनीको सोलुखुम्बु कार्यालयले भावी दिनमा कृषि औजार तथा एग्रोभेट स्थापना समेत गर्ने योजना रहेको कम्पनीका सोलुखुम्बु प्रमुख कुसुम घिमिरेले बताउनुभयो ।