सशस्त्र प्रहरीले गर्यो ज्वालामाई मन्दिर परिसर सरसफाई

साउन २४, सोलुखुम्बु । सशस्त्र प्रहरी बल नेपाल आश्रित गुल्म सोलुखुम्बुले ज्वालामाई मन्दिरको सरसफाइ गरेको छ । सोलुखुम्बुको सोलुदुधकुण्ड नगरपालिका वडा नम्बर ३ तामाखानी स्थित ज्वालामाई मन्दिर परिसरमा सशस्त्र प्रहरीको टोलीले विशेष सरसफाइ गरेको हो ।

बिहिवार सशस्त्र प्रहरी वल नेपाल आश्रित गुल्म सल्लेरीका गुल्मपति आई.डि. नम्बर १२३ का सशस्त्र प्रहरी नायव उपरीक्षक गोविन्द प्रसाद पोखरेलको कमाण्डमा ७ जना प्रहरीको टोलीले सरसफाई गरेको हो । मूल मन्दिर, मन्दिर वरिपरि वर्षातका कारण उम्रिका झारपातहरु, लेऊहरु व्यवस्थापन गरिएको छ ।

सशस्त्र प्रहरी बल नेपाल आश्रित गुल्म सोलुखुम्बुले जिल्लामा भइपरी आउने विपत, आगलागी लगायत विभिन्न सामाजिक कार्यमा सक्रिय भूमिका निर्वाह गरी सहयोग गर्दै छ । धार्मिक सम्पदाहरूको संरक्षण तथा परिसरको वातावरण सफा सुग्घर राख्ने उद्देश्यले मन्दिर सरसफाइ गरिएको सशस्त्र प्रहरी वल नेपाल आश्रित गुल्म सल्लेरीका प्रहरी नायव उपरीक्षक पोखरेलको भनाई छ ।

उक्त मन्दिर सरसफाईमा सोलुदुधकुण्ड नगरपालिकाकी उपमेयर गान्धि माया तामाङ, वडा नम्बर ३ का वडा अध्यक्ष लाक्पा गेलु शेर्पा, वडा नम्बर ६ का वडा अध्यक्ष फुर्वा ग्याल्जेन शेर्पा, गुल्मबाट आई. डि नं. ५२७३ का सशस्त्र प्रहरी नायव उपरीक्षक युवराज राउतको कमाण्डमा खटिएको ११ जना एलआरपि टोली, विभिन्न सघं संस्थाका प्रतिनिधी लगायत स्थानियबासीहरु गरी २०/२५ जनाको उपस्थिति रहेको थियो ।